________________
(३.९.२८१-२८१)
९. आटानाटियसुत्तं
१५१
"नागानञ्च अधिपति, विरूपक्खोति नामसो । रमती नच्चगीतेहि, नागेहेव पुरक्खतो ।।
"पुत्तापि तस्स बहवो, एकनामाति मे सुतं । असीति दस एको च, इन्दनामा महब्बला ।।
ते चापि बुद्ध दिस्वान, बुद्धं आदिच्चबन्धुनं । दूरतोव नमस्सन्ति, महन्तं वीतसारदं ।।
"नमो ते पुरिसाजञ, नमो ते पुरिसुत्तम । कुसलेन समेक्खसि, अमनुस्सापि तं वन्दन्ति । सुतं नेतं अभिण्हसो, तस्मा एवं वदेमसे ।।
“जिनं वन्दथ गोतमं, जिनं वन्दाम गोतमं । विज्जाचरणसम्पन्नं, बुद्धं वन्दाम गोतमं ।।
२८१. “येन उत्तरकुरुव्हो, महानेरु सुदस्सनो ।
मनुस्सा तत्थ जायन्ति, अममा अपरिग्गहा ।।
“न ते बीजं पवपन्ति, नपि नीयन्ति नङ्गला । अकट्ठपाकिमं सालिं, परिभुञ्जन्ति मानुसा ।।
"अकणं अथुसं सुद्धं, सुगन्धं तण्डुलप्फलं । तुण्डिकीरे पचित्वान, ततो भुञ्जन्ति भोजनं ।।
"गाविं एकखुरं कत्वा, अनुयन्ति दिसोदिसं । पसु एकखुरं कत्वा, अनुयन्ति दिसोदिसं ।।
"इत्थिं वा वाहनं कत्वा, अनुयन्ति दिसोदिसं । पुरिसं वाहनं कत्वा, अनुयन्ति दिसोदिसं ।।
151
Jain Education International
For Private & Personal Use Only
www.jainelibrary.org
