________________
१५०
दीघनिकायो-३
“इतो सा दक्खिणा दिसा, इति नं आचिक्खती जनो । यं दिसं अभिपालेति, महाराजा यसस्सि सो । ।
"कुम्भण्डानं अधिपति, विरूळहो इति नामसो । रमती नच्चगीतेहि, कुम्भण्डेहि पुरखतो ।।
" पुत्तापि तस्स बहवो, एकनामाति मे सुतं । असीति दस एको च, इन्दनामा महब्बला । ।
ते चापि बुद्धं दिस्वान, बुद्धं आदिच्चबन्धुनं । दूरतो नमस्सन्ति, महन्तं वीतसारदं । ।
“नमो ते पुरिसाजञ्ञ, नमो ते पुरिसुत्तम । कुसलेन समेक्खसि, अमनुस्सापि तं वन्दन्ति । सुतं नेतं अभिण्हसो, तस्मा एवं वदेमसे । ।
"जिनं वन्दथ गोतमं, जिनं वन्दाम गोतमं । विज्जाचरणसम्पन्नं, बुद्धं वन्दाम गोतमं । ।
२८०. “ यत्थ चोग्गच्छति सूरियो, आदिच्चो मण्डली महा । यस्स चोग्गच्छमानस्स, दिवसोपि निरुज्झति । यस्स चोग्गते सूरिये, संवरीति पवुच्चति ।।
‘“रहदोपि तत्थ गम्भीरो, समुद्दो सरितोदको । एवं तं तत्थ जानन्ति समुद्दो सरितोदको ।।
“इतो सा पच्छिमा दिसा, इति नं आचिक्खती जनो । यं दिसं अभिपालेति, महाराजा यसस्सि सो । ।
Jain Education International
150
For Private & Personal Use Only
(३.९.२८०-२८०)
www.jainelibrary.org
