________________
(३.८.२६४-२६६)
८. सिङ्गालसुत्तं
१४३
___२६४. “चतूहि खो, गहपतिपुत्त, ठानेहि अनुकम्पको मित्तो सुहदो वेदितब्बो । अभवेनस्स न नन्दति, भवेनस्स नन्दति, अवण्णं भणमानं निवारेति, वण्णं भणमानं पसंसति । इमेहि खो, गहपतिपुत्त, चतूहि ठानेहि अनुकम्पको मित्तो सुहदो वेदितब्बो'ति।
२६५. इदमवीच भगवा, इदं वत्वान सुगतो अथापरं एतदवोच सत्था -
"उपकारो च यो मित्तो, सुखे दुक्खे च यो सखा । अत्थक्खायी च यो मित्तो, यो च मित्तानुकम्पको ।।
"एतेपि मित्ते चत्तारो, इति विज्ञाय पण्डितो । सक्कच्चं पयिरुपासेय्य, माता पुत्तं व ओरसं । पण्डितो सीलसम्पन्नो, जलं अग्गीव भासति ।।
“भोगे संहरमानस्स, भमरस्सेव इरीयतो । भोगा सन्निचयं यन्ति, वम्मिकोवुपचीयति ।।
"एवं भोगे समाहत्वा, अलमत्तो कुले गिही । चतुधा विभजे भोगे, स वे मित्तानि गन्थति ।।
"एकेन भोगे भुजेय्य, द्वीहि कम्मं पयोजये । चतुत्थञ्च निधापेय्य, आपदासु भविस्सती''ति ।।
छदिसापटिच्छादनकण्डं २६६. “कथञ्च, गहपतिपुत्त, अरियसावको छद्दिसापटिच्छादी होति ? छ इमा, गहपतिपुत्त, दिसा वेदितब्बा । पुरत्थिमा दिसा मातापितरो वेदितब्बा, दक्खिणा दिसा आचरिया वेदितब्बा, पच्छिमा दिसा पुत्तदारा वेदितब्बा, उत्तरा दिसा मित्तामच्चा वेदितब्बा, हेट्ठिमा दिसा दासकम्मकरा वेदितब्बा, उपरिमा दिसा समणब्राह्मणा वेदितब्बा ।
143
Jain Education International
For Private & Personal Use Only
www.jainelibrary.org
