________________
(३.५.१५३-१५४)
५. सम्पसादनीयसुत्तं
७९
हीना अक्खायति । तत्र, भन्ते, यायं पटिपदा सुखा दन्धाभिञा, अयं पन, भन्ते, पटिपदा दन्धत्ता हीना अक्खायति । तत्र, भन्ते, यायं पटिपदा सुखा खिप्पाभिञा, अयं पन, भन्ते, पटिपदा उभयेनेव पणीता अक्खायति सुखत्ता च खिप्पत्ता च । एतदानुत्तरियं, भन्ते, पटिपदासु ।
भस्ससमाचारादिदेसना .१५३. “अपरं पन, भन्ते, एतदानुत्तरियं, यथा भगवा धम्मं देसेति भस्ससमाचारे । इध, भन्ते, एकच्चो न चेव मुसावादुपसहितं वाचं भासति न च वेभूतियं न च पेसुणियं न च सारम्भजं जयापेक्खो; मन्ता मन्ता च वाचं भासति निधानवतिं कालेन । एतदानुत्तरियं, भन्ते, भस्ससमाचारे ।
“अपरं पन, भन्ते, एतदानुत्तरियं, यथा भगवा धम्मं देसेति पुरिससीलसमाचारे । इध, भन्ते, एकच्चो सच्चो चस्स सद्धो च, न च कुहको, न च लपको, न च नेमित्तिको, न च निप्पेसिको, न च लाभेन लाभं निजिगीसनको, इन्द्रियेसु गुत्तद्वारो, भोजने मत्तञ्जू, समकारी, जागरियानुयोगमनुयुत्तो, अतन्दितो, आरद्धवीरियो, झायी, सतिमा, कल्याणपटिभानो, गतिमा, धितिमा, मतिमा, न च कामेसु गिद्धो, सतो च निपको च । एतदानुत्तरियं, भन्ते, पुरिससीलसमाचारे ।
अनुसासनविधादेसना १५४. “अपरं पन, भन्ते, एतदानुत्तरियं, यथा भगवा धम्मं देसेति अनुसासनविधासु । चतस्सो इमा भन्ते अनुसासनविधा- “जानाति, भन्ते, भगवा अपरं पुग्गलं पच्चत्तं योनिसोमनसिकारा 'अयं पुग्गलो यथानुसिटुं तथा पटिपज्जमानो तिण्णं संयोजनानं परिक्खया सोतापन्नो भविस्सति अविनिपातधम्मो नियतो सम्बोधिपरायणो'ति । जानाति, भन्ते, भगवा परं पुग्गलं पच्चत्तं योनिसोमनसिकारा- 'अयं पुग्गलो यथानुसिटुं तथा पटिपज्जमानो तिण्णं संयोजनानं परिक्खया रागदोसमोहानं तनुत्ता सकदागामी भविस्सति, सकिदेव इमं लोकं आगन्त्वा दुक्खस्सन्तं करिस्सती'ति। 'जानाति, भन्ते, भगवा परं पुग्गलं पच्चत्तं योनिसोमनसिकारा- 'अयं पुग्गलो यथानुसिटुं तथा पटिपज्जमानो पञ्चनं ओरम्भागियानं संयोजनानं परिक्खया ओपपातिको भविस्सति तत्थ परिनिब्बायी अनावत्तिधम्मो
79
Jain Education International
For Private & Personal Use Only
www.jainelibrary.org
