________________
५. सम्पसादनीयसुत्तं
सारिपुत्तसीहनादो १४१. एवं मे सुतं- एकं समयं भगवा नाळन्दायं विहरति पावारिकम्बवने । अथ खो आयस्मा सारिपुत्तो येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं निसीदि । एकमन्तं निसिन्नो खो आयस्मा सारिपुत्तो भगवन्तं एतदवोच"एवंपसन्नो अहं, भन्ते, भगवति, न चाहु न च भविस्सति न चेतरहि विज्जति अञ्जो समणो वा ब्राह्मणो वा भगवता भिय्योभितरो यदिदं सम्बोधियन्ति ।
१४२. “उळारा खो ते अयं, सारिपुत्त, आसभी वाचा भासिता, एकंसो गहितो, सीहनादो नदितो- ‘एवंपसन्नो अहं, भन्ते, भगवति; न चाहु न च भविस्सति न चेतरहि विज्जति अञो समणो वा ब्राह्मणो वा भगवता भिय्योभितरो यदिदं सम्बोधिय'न्ति । किं ते, सारिपुत्त, ये ते अहेसुं अतीतमद्धानं अरहन्तो सम्मासम्बुद्धा, सब्बे ते भगवन्तो चेतसा चेतो परिच्च विदिता - ‘एवंसीला ते भगवन्तो अहेसुं इतिपि, एवंधम्मा ते भगवन्तो अहेसुं इतिपि, एवंपञ्जा ते भगवन्तो अहेसुं इतिपि, एवंविहारी ते भगवन्तो अहेसुं इतिपि, एवंविमुत्ता ते भगवन्तो अहेसुं इतिपी' "ति ? “नो हेतं, भन्ते'।
__“किं पन ते, सारिपुत्त, ये ते भविस्सन्ति अनागतमद्धानं अरहन्तो सम्मासम्बुद्धा, सब्बे ते भगवन्तो चेतसा चेतो परिच्च विदिता, एवंसीला ते भगवन्तो भविस्सन्ति इतिपि, एवंधम्मा। एवंपञ्जा। एवंविहारी। एवंविमुत्ता ते भगवन्तो भविस्सन्ति इतिपी' "ति ? "नो हेतं, भन्ते"।
Jain Education International
For Private & Personal Use Only
www.jainelibrary.org
