Page Text
________________
(२.१.९३-९४)
१. महापदानसुत्तं
अहोसि जनेत्ति । बन्धुमस्स रो बन्धुमती नाम नगरं राजधानी अहोसि । विपस्सिस्स, मारिसा, भगवतो अरहतो सम्मासम्बुद्धस्स एवं अभिनिक्खमनं अहोसि एवं पब्बज्जा एवं पधानं एवं अभिसम्बोधि, एवं धम्मचक्कप्पवत्तनं । ते मयं, मारिसा, विपस्सिम्हि भगवति ब्रह्मचरियं चरित्वा कामेसु कामच्छन्दं विराजेत्वा इधूपपन्ना'ति । तस्मिंयेव खो, भिक्खवे, देवनिकाये अनेकानि देवतासहस्सानि अनेकानि देवतासतसहस्सानि येनाहं तेनुपसङ्कमिंसु; उपसङ्कमित्वा मं अभिवादेत्वा एकमन्तं अटुंसु । एकमन्तं ठिता खो, भिक्खवे, ता देवता मं एतदवोचुं- 'इतो सो, मारिसा, एकतिसे कप्पे यं सिखी भगवा...पे०... ते मयं, मारिसा, सिखिम्हि भगवति तस्मि व खो मारिसा, एकतिसे कप्पे यं वेस्सभू भगवा...पे०... ते मयं, मारिसा, वेस्सभुम्हि भगवति...पे०... इमस्मिंयेव खो, मारिसा, भद्दकप्पे ककसन्धो कोणागमनो कस्सपो भगवा...पे०... ते मयं. मारिसा. ककसन्धम्हि कोणागमनम्हि कस्सपम्हि भगवति ब्रह्मचरियं चरित्वा कामेसु कामच्छन्दं विराजेत्वा इधूपपन्ना'ति ।
९३. “तस्मिंयेव खो, भिखवे, देवनिकाये अनेकानि देवतासहस्सानि अनेकानि देवतासतसहस्सानि येनाहं तेनुपसङ्कमिंसु; उपसङ्कमित्वा मं अभिवादेत्वा एकमन्तं अटुंसु । एकमन्तं ठिता खो, भिक्खवे, ता देवता मं एतदवोचुं- 'इमस्मिंयेव खो, मारिसा, भद्दकप्पे भगवा एतरहि अरहं सम्मासम्बुद्धो लोके उप्पन्नो । भगवा, मारिसा, खत्तियो जातिया, खत्तियकुले उप्पन्नो । भगवा, मारिसा, गोतमो गोत्तेन । भगवतो, मारिसा अप्पकं आयुप्पमाणं परित्तं लहुकं यो चिरं जीवति, सो वस्ससतं अप्पं वा भिय्यो । भगवा, मारिसा, अस्सत्थस्स मूले अभिसम्बुद्धो । भगवतो, मारिसा, सारिपुत्तमोग्गल्लानं नाम सावकयुगं अहोसि अग्गं भद्दयुगं । भगवतो, मारिसा, एको सावकानं सन्निपातो अहोसि अड्डतेळसानि भिक्खुसतानि । भगवतो, मारिसा, अयं एको सावकानं सन्निपातो अहोसि सब्बेसंयेव खीणासवानं । भगवतो, मारिसा, आनन्दो नाम भिक्खु उपट्ठाको अग्गुपट्ठाको अहोसि । भगवतो, मारिसा, सुद्धोदनो नाम राजा पिता अहोसि । माया नाम देवी माता अहोसि जनेत्ति । कपिलवत्थु नाम नगरं राजधानी अहोसि । भगवतो, मारिसा, एवं अभिनिक्खमनं अहोसि, एवं पब्बज्जा, एवं पधानं, एवं अभिसम्बोधि, एवं धम्मचक्कप्पवत्तनं । ते मयं, मारिसा, भगवति ब्रह्मचरियं चरित्वा कामेसु कामच्छन्दं विराजेत्वा इधूपपन्ना'ति ।
९४. “इति खो, भिक्खवे, तथागतस्सेवेसा धम्मधातु सुप्पटिविद्धा, यस्सा धम्मधातुया
41
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |