________________
दीघनिकायो-२
(२.१.६०-६०)
“अथ खो, भिक्खवे, विपस्सिस्स बोधिसत्तस्स एतदहोसि - ‘किम्हि नु खो असति जाति न होति किस्स निरोधा जातिनिरोधो'ति ? अथ खो, भिक्खवे, विपस्सिस्स बोधिसत्तस्स योनिसो मनसिकारा अहु पञ्जाय अभिसमयो- 'भवे खो असति जाति न होति, भवनिरोधा जातिनिरोधोति।
“अथ खो, भिक्खवे, विपस्सिस्स बोधिसत्तस्स एतदहोसि- 'किम्हि नु खो असति भवो न होति किस्स निरोधा भवनिरोधो'ति ? अथ खो, भिक्खवे, विपस्सिस्स बोधिसत्तस्स योनिसो मनसिकारा अहु पञ्जाय अभिसमयो- 'उपादाने खो असति भवो न होति, उपादाननिरोधा भवनिरोधो'ति।
"अथ खो, भिक्खवे, विपस्सिस्स बोधिसत्तस्स एतदहोसि - ‘किम्हि नु खो असति उपादानं न होति किस्स निरोधा उपादाननिरोधो'ति ? अथ खो, भिक्खवे, विपस्सिस्स बोधिसत्तस्स योनिसो मनसिकारा अहु पञाय अभिसमयो- 'तण्हाय खो असति उपादानं न होति, तण्हानिरोधा उपादाननिरोधो'ति ।
“अथ खो, भिक्खवे, विपस्सिस्स बोधिसत्तस्स एतदहोसि - ‘किम्हि नु खो असति तण्हा न होति किस्स निरोधा तण्हानिरोधोति ? अथ खो, भिक्खवे, विपस्सिस्स बोधिसत्तस्स योनिसो मनसिकारा अहु पञाय अभिसमयो- 'वेदनाय खो असति तण्हा न होति, वेदनानिरोधा तण्हानिरोधो'ति।
“अथ खो, भिक्खवे, विपस्सिस्स बोधिसत्तस्स एतदहोसि - 'किम्हि नु खो असति वेदना न होति किस्स निरोधा वेदनानिरोधोति ? अथ खो, भिक्खवे, विपस्सिस्स बोधिसत्तस्स योनिसो मनसिकारा अहु पाय अभिसमयो- 'फस्से खो असति वेदना न होति, फस्सनिरोधा वेदनानिरोधो'ति।
“अथ खो, भिक्खवे, विपस्सिस्स बोधिसत्तस्स एतदहोसि - ‘किम्हि नु खो असति फस्सो न होति किस्स निरोधा फस्सनिरोधो'ति ? अथ खो, भिक्खवे, विपस्सिस्स बोधिसत्तस्स योनिसो मनसिकारा अहु पञ्जाय अभिसमयो- “सळायतने खो असति फस्सो न होति, सळायतननिरोधा फस्सनिरोधोति।
26
Jain Education International
For Private & Personal Use Only
www.jainelibrary.org
