Page Text
________________
(२.१०.४२१-४२१)
१०. पायासिसुत्तं
२४७
जातरूपं वा, सब्बं तं मय्हं; नत्थि तुम्हेत्थ किञ्चि । पितु मे, भोति, दायज्जं निय्यादेही ति।
“अथ खो सा ब्राह्मणी सत्थं गहेत्वा ओवरकं पविसित्वा उदरं ओपादेसि - याव विजायामि यदि वा कुमारको यदि वा कुमारिकाति । सा अत्तानं चेव जीवितञ्च गब्भञ्च सापतेय्यञ्च विनासेसि । यथा तं बाला अब्यत्ता अनयब्यसनं आपन्ना अयोनिसो दायज्जं गवेसन्ती, एवमेव खो त्वं, राजञ, बालो अब्यत्तो अनयब्यसनं आपज्जिस्ससि अयोनिसो परलोकं गवेसन्तो; सेय्यथापि सा ब्राह्मणी बाला अब्यत्ता अनयब्यसनं आपन्ना अयोनिसो दायज्जं गवेसन्ती। न खो, राजञ, समणब्राह्मणा सीलवन्तो कल्याणधम्मा अपक्कं परिपाचेन्ति; अपि च परिपाकं आगमेन्ति । पण्डितानं अत्थो हि, राजञ, समणब्राह्मणानं सीलवन्तानं कल्याणधम्मानं जीवितेन । यथा यथा खो, राजञ, समणब्राह्मणा सीलवन्तो कल्याणधम्मा चिरं दीघमद्धानं तिठ्ठन्ति, तथा तथा बहुं पुञ्ज पसवन्ति, बहुजनहिताय च पटिपज्जन्ति बहुजनसुखाय लोकानुकम्पाय अत्थाय हिताय सुखाय देवमनुस्सानं । इमिनापि खो ते, राजञ, परियायेन एवं होतु - इतिपि अस्थि परो लोको, अस्थि सत्ता ओपपातिका, अत्थि सुकतदुक्कटानं कम्मानं फलं विपाको"ति |
४२१. “किञ्चापि भवं कस्सपो एवमाह । अथ खो एवं मे एत्थ होति - ‘इतिपि नत्थि परो लोको, नत्थि सत्ता ओपपातिका, नस्थि सुकतदुक्कटानं कम्मानं फलं विपाको' ''ति । अस्थि पन, राजञ, परियायो...पे०... अस्थि, भो कस्सप, परियायो...पे०... यथा कथं विय, राजञाति ? “इध मे, भो कस्सप, पुरिसा चोरं आगुचारिं गहेत्वा दस्सेन्ति - 'अयं ते, भन्ते, चोरो आगुचारी; इमस्स यं इच्छसि, तं दण्डं पणेही ति । त्याहं एवं वदामि - तेन हि, भो, इमं पुरिसं जीवन्तंयेव कुम्भिया पक्खिपित्वा मुखं पिदहित्वा अल्लेन चम्मेन ओनन्धित्वा अल्लाय मत्तिकाय बहलावलेपनं करित्वा उद्धनं आरोपेत्वा अग्गिं देथा'ति । ते मे ‘साधू'ति पटिस्सुत्वा तं पुरिसं जीवन्तंयेव कुम्भिया पक्खिपित्वा मुखं पिदहित्वा अल्लेन चम्मेन ओनन्धित्वा अल्लाय मत्तिकाय बहलावलेपनं करित्वा उद्धनं आरोपेत्वा अग्गिं देन्ति । यदा मयं जानाम 'कालङ्कतो सो पुरिसो'ति, अथ नं कम्भिं ओरोपेत्वा उब्भिन्दित्वा मखं विवरित्वा सणिकं निल्लोकेम - 'अप्पेव नामस्स जीवं निक्खमन्तं पस्सेय्यामा ति । नेवस्स मयं जीवं निक्खमन्तं पस्साम । अयम्पि खो कस्सप, परियायो, येन मे परियायेन एवं होति - ‘इतिपि नत्थि परो लोको, नत्थि सत्ता ओपपातिका, नत्थि सुकतदुक्कटानं कम्मानं फलं विपाको' ''ति ।
।
भो
247
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |