Page Text
________________
२४०
दीघनिकायो-२
(२.१०.५१३-५१३)
भेदा परं मरणा अपायं दुग्गतिं विनिपातं निरयं उपपज्जन्ती'ति । भवन्तो खो पाणातिपाती अदिन्नादायी कामेसुमिच्छाचारी मुसावादी पिसुणवाचा फरुसवाचा सम्फप्पलापी अभिज्झालू ब्यापन्नचित्ता मिच्छादिट्ठी । सचे तेसं भवतं समणब्राह्मणानं सच्चं वचनं, भवन्तो कायस्स भेदा परं मरणा अपायं दुग्गतिं विनिपातं निरयं उपपज्जिस्सन्ति । सचे, भो, कायस्स भेदा परं मरणा अपायं दुग्गतिं विनिपातं निरयं उपपज्जेय्याथ, येन मे आगन्त्वा आरोचेय्याथ - इतिपि अत्थि परो लोको, अस्थि सत्ता
ओपपातिका, अत्थि सुकतदुक्कटानं कम्मानं फलं विपाकोति । भवन्तो खो पन मे सद्धायिका पच्चयिका, यं भवन्तेहि दिटुं, यथा सामं दिलृ एवमेतं भविस्सती'ति । ते मे 'साधू'ति पटिस्सुत्वा नेव आगन्त्वा आरोचेन्ति, न पन दूतं पहिणन्ति । अयम्पि खो, भो कस्सप, परियायो. येन मे परियायेन एवं होति- इतिपि नत्थि परो लोको, नत्थि सत्ता ओपपातिका, नत्थि सुकतदुक्कटानं कम्मानं फलं विपाको"ति ।
चोरउपमा
५१३. "तेन हि, राजञ, त वेत्थ पटिपुच्छिस्सामि । यथा ते खमेय्य तथा नं ब्याकरेय्यासि । तं किं मञ्जसि, राजञ, इध ते पुरिसा चोरं आगुचारिं गहेत्वा दस्सेय्युं - 'अयं ते, भन्ते, चोरो आगुचारी; इमस्स यं इच्छसि, तं दण्डं पणेही'ति । ते त्वं एवं वदेय्यासि -- 'तेन हि, भो, इमं पुरिसं दळहाय रज्जुया पच्छाबाहं गाळहबन्धनं बन्धित्वा खुरमुण्डं करित्वा खरस्सरेन पणवेन रथिकाय रथिकं सिङ्घाटकेन सिङ्घाटकं परिनेत्वा दक्खिणेन द्वारेन निक्खमित्वा दक्खिणतो नगरस्स आघातने सीसं छिन्दथा'ति । ते ‘साधू'ति पटिस्सुत्वा तं पुरिसं दळहाय रज्जुया पच्छाबाहं गाळहबन्धन बन्धित्वा खुरमुण्डं करित्वा खरस्सरेन पणवेन रथिकाय रथिकं सिङ्घाटकेन सिङ्घाटकं परिनेत्वा दक्खिणेन द्वारेन निक्खमित्वा दक्खिणतो नगरस्स आघातने निसीदापेय्युं । लभेय्य नु खो सो चोरो चोरघातेसु - ‘आगमेन्तु ताव भवन्तो चोरघाता, अमुकस्मिं मे गामे वा निगमे वा मित्तामच्चा आतिसालोहिता, यावाहं तेसं उद्दिसित्वा आगच्छामी'ति, उदाहु विप्पलपन्तस्सेव चोरघाता सीसं छिन्देय्यु"न्ति ? “न हि सो, भो कस्सप, चोरो लभेय्य चोरघातेसु - ‘आगमेन्तु ताव भवन्तो चोरघाता अमुकस्मिं मे गामे वा निगमे वा मित्तामच्चा आतिसालोहिता, यावाहं तेसं उद्दिसित्वा आगच्छामी'ति । अथ खो नं विप्पलपन्तस्सेव चोरघाता सीसं छिन्देय्यु"न्ति । “सो हि नाम, राजञ्ञ, चोरो मनुस्सो मनुस्सभूतेसु चोरघातेसु न लभिस्सति - ‘आगमेन्तु ताव भवन्तो चोरघाता, अमुकस्मिं मे
HTTEE
240
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |