________________
(२.५.२८४-२८४)
५. जनवसभसुत्तं
१५५
पातुभवति, सो अञ्चे देवे अतिरोचति वण्णेन चेव यससा च। सेय्यथापि, भन्ते, सोवण्णो विग्गहो मानुसं विग्गहं अतिरोचति; एवमेव खो, भन्ते, यदा ब्रह्मा सनकुमारो देवानं तावतिंसानं पातुभवति, सो अछे देवे अतिरोचति वण्णेन चेव यससा च । यदा, भन्ते, ब्रह्मा सनकुमारो देवानं तावतिंसानं पातुभवति, न तस्सं परिसायं कोचि देवो अभिवादेति वा पच्चुढेति वा आसनेन वा निमन्तेति । सब्बेव तुण्हीभूता पञ्जलिका पल्लङ्केन निसीदन्ति - 'यस्सदानि देवस्स पल्लवं इच्छिस्सति ब्रह्मा सनकुमारो, तस्स देवस्स पल्लङ्के निसीदिस्सती'ति ।
__ “यस्स खो पन, भन्ते, देवस्स ब्रह्मा सनकुमारो पल्लङ्के निसीदति, उळारं सो लभति देवो वेदपटिलाभं; उळारं सो लभति देवो सोमनस्सपटिलाभं । सेय्यथापि, भन्ते, राजा खत्तियो मुद्धावसित्तो अधुनाभिसित्तो रज्जेन, उळारं सो लभति वेदपटिलाभं, उळारं सो लभति सोमनस्सपटिलाभं। एवमेव खो, भन्ते, यस्स देवस्स ब्रह्मा सनकुमारो पल्लङ्के निसीदति, उळारं सो लभति देवो वेदपटिलाभ, उळारं सो लभति देवो सोमनस्सपटिलाभं । अथ, भन्ते, ब्रह्मा सनकुमारो ओळारिकं अत्तभावं अभिनिम्मिनित्वा कुमारवण्णी हुत्वा पञ्चसिखो देवानं तावतिंसानं पातुरहोसि। सो वेहासं अब्भुग्गन्त्वा आकासे अन्तलिक्खे पल्लङ्केन निसीदि । सेय्यथापि, भन्ते, बलवा पुरिसो सुपच्चत्थते वा पल्लङ्के समे वा भूमिभागे पल्लङ्केन निसीदेय्य; एवमेव खो, भन्ते, ब्रह्मा सनकुमारो वेहासं अब्भुग्गन्त्वा आकासे अन्तलिक्खे पल्लङ्केन निसीदित्वा देवानं तावतिंसानं सम्पसादं विदित्वा इमाहि गाथाहि अनुमोदि -
"मोदन्ति वत भो देवा, तावतिंसा सहिन्दका । तथागतं नमस्सन्ता, धम्मस्स च सुधम्मतं ।।
नवे देवे च पस्सन्ता, वण्णवन्ते यसस्सिने । सुगतस्मिं ब्रह्मचरियं, चरित्वान इधागते ।।
ते अछे अतिरोचन्ति, वण्णेन यससायुना । सावका भूरिपञस्स, विसेसूपगता इध ।।
155
Jain Education International
For Private & Personal Use Only
www.jainelibrary.org
