________________
(२.३.२३५-२३६)
३. महापरिनिब्बानसुत्तं
१२३
कत्वा भगवतो पादे सिरसा वन्दिंसु । वन्दिते च पनायस्मता महाकस्सपेन तेहि च पञ्चहि भिक्खुसतेहि सयमेव भगवतो चितको पज्जलि ।
२३५. झायमानस्स खो पन भगवतो सरीरस्स यं अहोसि छवीति वा चम्मन्ति वा मंसन्ति वा न्हारूति वा लसिकाति वा, तस्स नेव छारिका पञायित्थ, न मसि; सरीरानेव अवसिस्सिंसु । सेय्यथापि नाम सप्पिस्स वा तेलस्स वा झायमानस्स नेव छारिका पञ्जायति, न मसि; एवमेव भगवतो सरीरस्स झायमानस्स यं अहोसि छवीति वा चम्मन्ति वा मंसन्ति वा न्हारूति वा लसिकाति वा, तस्स नेव छारिका पञायित्थ, न मसि; सरीरानेव अवसिस्सिंसु । तेसञ्च पञ्चन्नं दुस्सयुगसतानं देव दुस्सानि न डव्हिंसु यञ्च सब्बअब्भन्तरिमं यञ्च बाहिरं । दड्डे च खो पन भगवतो सरीरे अन्तलिक्खा उदकधारा पातुभवित्वा भगवतो चितकं निब्बापेसि । उदकसालतोपि अब्भुन्नमित्वा भगवतो चितकं निब्बापेसि । कोसिनारकापि मल्ला सब्बगन्धोदकेन भगवतो चितकं निब्बापेसुं । अथ खो कोसिनारका मल्ला भगवतो सरीरानि सत्ताहं सन्धागारे सत्तिपञ्जरं करित्वा धनुपाकारं परिक्खिपापेत्वा नच्चेहि गीतेहि वादितेहि मालेहि गन्धेहि सक्करिंसु गरुं करिंसु मानेसुं पूजेसुं।
सरीरधातुविभाजनं
२३६. अस्सोसि खो राजा मागधो अजातसत्तु वेदेहिपुत्तो- “भगवा किर कुसिनारायं परिनिब्बुतो"ति । अथ खो राजा मागधो अजातसत्तु वेदेहिपुत्तो कोसिनारकानं मल्लानं दूतं पाहेसि - “भगवापि खत्तियो अहम्पि खत्तियो, अहम्पि अरहामि भगवतो सरीरानं भागं, अहम्पि भगवतो सरीरानं थूपञ्च महञ्च करिस्सामी''ति ।
अस्सोसु खो वेसालिका लिच्छवी - "भगवा किर कुसिनारायं परिनिब्बुतो''ति । अथ खो वेसालिका लिच्छवी कोसिनारकानं मल्लानं दृतं पाहेसं - "भगवापि खत्तियो मयम्पि खत्तिया, मयम्पि अरहाम भगवतो सरीरानं भागं, मयम्पि भगवतो सरीरानं थूपञ्च महञ्च करिस्सामा''ति ।
अस्सोसुं खो कपिलवत्थुवासी सक्या - "भगवा किर कुसिनारायं परिनिब्बुतो''ति । अथ खो कपिलवत्थुवासी सक्या कोसिनारकानं मल्लानं दूतं पाहेसुं- "भगवा अम्हाकं
123
Jain Education International
For Private & Personal Use Only
www.jainelibrary.org
