Page Text
________________
१२२
दीघनिकायो-२
(२.३.२३२-२३४)
ते भिक्खू अवीतरागा अप्पेकच्चे बाहा पग्गय्ह कन्दन्ति, छिन्नपातं पपतन्ति, आवट्टन्ति, विवट्टन्ति - “अतिखिप्पं भगवा परिनिब्बुतो, अतिखिप्पं सुगतो परिनिब्बुतो, अतिखिप्पं चक्खं लोके अन्तरहितो''ति । ये पन ते भिक्खू वीतरागा, ते सता सम्पजाना अधिवासेन्ति- “अनिच्चा सङ्घारा, तं कुतेत्थ लन्भा"ति।
२३२. तेन खो पन समयेन सुभद्दो नाम वुद्धपब्बजितो तस्सं परिसायं निसिन्नो होति । अथ खो सुभद्दो वुद्धपब्बजितो ते भिक्खू एतदवोच -- “अलं, आवुसो, मा सोचित्थ, मा परिदेवित्थ, सुमुत्ता मयं तेन महासमणेन । उपटुता च होम – 'इदं वो कप्पति, इदं वो न कप्पतीति । इदानि पन मयं यं इच्छिस्साम, तं करिस्साम, यं न इच्छिस्साम, न तं करिस्सामा'ति । अथ खो आयस्मा महाकस्सपो भिक्खू आमन्तेसि - “अलं, आवुसो, मा सोचित्थ, मा परिदेवित्थ । ननु एतं, आवुसो, भगवता पटिकच्चेव अक्खातं - ‘सब्बेहेव पियेहि मनापेहि नानाभावो विनाभावो अञ्जथाभावो' । तं कुतेत्थ, आवुसो, लब्भा। 'यं तं जातं भूतं सङ्घतं पलोकधम्म, तं तथागतस्सापि सरीरं मा पलुज्जी'ति, नेतं ठानं विज्जती''ति ।।
२३३. तेन खो पन समयेन चत्तारो मल्लपामोक्खा सीसंन्हाता अहतानि वत्थानि निवत्था - "मयं भगवतो चितकं आळिम्पेस्सामा"ति न सक्कोन्ति आलिम्पेतुं । अथ खो कोसिनारका मल्ला आयस्मन्तं अनुरुद्धं एतदवोचुं- “को नु खो, भन्ते अनुरुद्ध, हेतु को पच्चयो, येनिमे चत्तारो मल्लपामोक्खा सीसंन्हाता अहतानि वत्थानि निवत्था - 'मयं भगवतो चितकं आळिम्पेस्सामा ति न सक्कोन्ति आळिम्पेतु"न्ति ? “अञथा खो, वासेट्ठा, देवतानं अधिप्पायो"ति । “कथं पन, भन्ते, देवतानं अधिप्पायो''ति ? "देवतानं खो, वासेट्ठा, अधिप्पायो – “अयं आयस्मा महाकस्सपो पावाय कुसिनारं अद्धानमग्गप्पटिप्पन्नो महता भिक्खुसङ्घन सद्धिं पञ्चमत्तेहि भिक्खुसतेहि । न ताव भगवतो चितको पज्जलिस्सति, यावायस्मा महाकस्सपो भगवतो पादे सिरसा न वन्दिस्सती"ति । “यथा, भन्ते, देवतानं अधिप्पायो, तथा होतू'ति ।।
२३४. अथ खो आयस्मा महाकस्सपो येन कसिनारा मकटबन्धनं नाम मल्लानं चेतियं, येन भगवतो चितको तेनुपसङ्कमि; उपसङ्कमित्वा एकंसं चीवरं कत्वा अञ्जलिं पणामेत्वा तिक्खत्तं चितकं पदक्खिणं कत्वा भगवतो पादे सिरसा वन्दि । तानिपि खो पञ्चभिक्खुसतानि एकंसं चीवरं कत्वा अञ्जलिं पणामेत्वा तिक्खत्तुं चितकं पदक्खिणं
122
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |