________________
३. महापरिनिब्बानसुत्तं
सुभद्दो परिब्बाजको आयस्मन्तं आनन्दं एतदवोच - “लाभा वो, आवुसो आनन्द; सुद्धं वो, आवुसो आनन्द, एत्थ सत्थु सम्मुखा अन्तेवासिकाभिसेकेन अभिसित्ता'ति । अलत्थ खो सुभद्दो परिब्बाजको भगवतो सन्तिके पब्बज्जं, अलत्थ उपसम्पदं । अचिरूपसम्पन्नो खो पायस्मा सुभद्दो को वूपकट्ठो अप्पमत्तो आतापी पहितत्तो विहरन्तो नचिरस्सेव - 'यस्सत्थाय कुलपुत्ता सम्मदेव अगारस्मा अनगारियं पब्बजन्ति' तदनुत्तरं ब्रह्मचरियपरियोसानं दिट्टेव धम्मे सयं अभिज्ञ सच्छिकत्वा उपसम्पज्ज विहासि । “खीणा जाति, वुसितं ब्रह्मचरियं, कतं करणीयं, नापरं इत्थत्ताया" ति अब्भञ्ञासि । अञ्ञतरो खो पनायस्मा सुभद्दो अरहतं अहोसि । सो भगवतो पच्छिमो सक्खिसावको अहोसीति ।
पञ्चमो भाणवारो ।
(२.३.२१६-२१७)
तथागतपच्छिमवाचा
२१६. अथ खो भगवा आयस्मन्तं आनन्दं आमन्तेसि – “सिया खो पनानन्द, तुम्हाकं एवमस्स - 'अतीतसत्थुकं पावचनं, नत्थि नो सत्था'ति । न खो पनेतं, आनन्द, एवं दट्ठब्बं । यो वो, आनन्द, मया धम्मो च विनयो च देसितो पञ्ञत्तो, सो वो ममच्चयेन सत्था। यथा खो पनानन्द, एतरहि भिक्खू अञ्ञमञ्ञ आवसोवादेन समुदाचरन्ति, न खो ममच्चयेन एवं समुदाचरितब्बं । थेरतरेन, आनन्द, भिक्खुना नवकतरो भिक्खु नामेन वा गोत्तेन वा आवुसोवादेन वा समुदाचरितब्बो । नवकतरेन भिक्खुना थेरतरो भिक्खु ' भन्ते 'ति वा 'आयस्मा ति वा समुदाचरितब्बो । आकङ्खमानो, आनन्द, सङ्घो ममच्चयेन खुद्दानुखुद्दकानि सिक्खापदानि समूहनतु । छन्नस्स, आनन्द, भिक्खुनो ममच्चयेन ब्रह्मदण्डो दातब्बो 'ति । " कतमो पन, भन्ते, ब्रह्मदण्डो 'ति ? “छन्नो, आनन्द, भिक्खु यं इच्छेय्य, तं वदेय्य । सो भिक्खूहि नेव वत्तब्बो, न ओवदितब्बो, न अनुसासितब्बो 'ति ।
भिक्खवे,
२१७. अथ खो भगवा भिक्खू आमन्तेसि - "सिया खो पन, एक भिक्खुस्सापि कङ्क्षा वा विमति वा बुद्धे वा धम्मे वा सङ्घे वा मग्गे वा पटिपदाय वा, पुच्छथ, भिक्खवे, मा पच्छा विप्पटिसारिनो अहुवत्थ - ' सम्मुखीभूतो नो सत्था
Jain Education International
११५
115
For Private & Personal Use Only
www.jainelibrary.org
