Page Text
________________
३. महापरिनिब्बानसुत्तं
२०४. “कथं मयं, भन्ते, तथागतस्स सरीरे पटिपज्जामा ' 'ति ? " अब्यावटा तुम्हे, आनन्द, होथ तथागतस्स सरीरपूजाय । इस तुम्हे, आनन्द, सारत्थे घटथ अनुयुञ्जथ, सारत्थे अप्पमत्ता आतापिनो पहितत्ता विहरथ । सन्तानन्द, खत्तियपण्डितापि ब्राह्मणपण्डितापि गहपतिपण्डितापि तथागते अभिप्पसन्ना, ते तथागतस्स सरीरपूजं करिस्सन्ती 'ति ।
(२.३.२०४-२०६)
२०५. “कथं पन, भन्ते, तथागतस्स सरीरे पटिपज्जितब्ब "न्ति ? " यथा खो, आनन्द, रञो चक्कवत्तिस्स सरीरे पटिपज्जन्ति, एवं तथागतस्स सरीरे पटिपज्जितब्ब"न्ति । " कथं पन, भन्ते, रञो चक्कवत्तिस्स सरीरे पटिपज्जन्ती 'ति ? “रञ्ञो, आनन्द, चक्कवत्तिस्स सरीरं अहतेन वत्थेन वेठेन्ति, अहतेन वत्थेन वेठेत्वा विहतेन कप्पासेन वेठेन्ति, विहतेन कप्पासेन वेठेत्वा अहतेन वत्थेन वेठेन्ति । एतेनुपायेन पञ्चहि युगसतेहि रज्ञो चक्कवत्तिस्स सरीरं वेठेत्वा आयसाय तेलदोणिया पक्खिपित्वा अञ्ञिस्सा आयसाय दोणिया पटिकुज्जित्वा सब्बगन्धानं चितकं करित्वा रञ्ञो चक्कवत्तिस्स सरीरं झापेन्ति । चातुमहापथे रज्ञो चक्कवत्तिस्स थूपं करोन्ति । एवं खो, आनन्द, रञ्ञ चक्कवत्तिस्स सरीरे पटिपज्जन्ति । यथा खो, आनन्द, रञ्ञो चक्कवत्तिस्स सरीरे पटिपज्जन्ति, एवं तथागतस्स सरीरे पटिपज्जितब्बं । चातुमहापथे तथागतस्स पो कातब्बो । तत्थ ये मालं वा गन्धं वा चुण्णकं वा आरोपेस्सन्ति वा अभिवादेस्सन्ति वा चित्तं वा पसादेस्सन्ति तेसं तं भविस्सति दीघरत्तं हिताय सुखाय ।
धूपारहपुग्गलो
२०६. “ चत्तारोमे, आनन्द, थूपारहा । कतमे चत्तारो ? तथागतो अरहं सम्मासम्बुद्धो थूपारहो, पच्चेकसम्बुद्धो थूपारहो, तथागतस्स सावको थूपारहो, राजा चक्कवत्ती थूपारहो 'ति ।
१०७
“किञ्चानन्द, अत्थवसं पटिच्च तथागतो अरहं सम्मासम्बुद्धी थूपारहो ? 'अयं तस्स भगवतो अरहतो सम्मासम्बुद्धस्स थूपो ति, आनन्द, बहुजना चित्तं पसादेन्ति । ते तथ चित्तं पसादेत्वा कायस्स भेदा परं मरणा सुगतिं सग्गं लोकं उपपज्जन्ति । इदं खो, आनन्द, अत्थवसं पटिच्च तथागतो अरहं सम्मासम्बुद्धी थुपारहो ।
“किञ्चानन्द, अत्थवसं पटिच्च पच्चेकसम्बुद्धो थूपारहो ? 'अयं तस्स भगवतो
Jain Education International
107
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |