Page Text
________________
दीघनिकायो-२
(२.३.१९१-१९१)
आनन्दो भगवतो पटिस्सुत्वा चतुग्गुणं सङ्घाटिं पञपेसि । निसीदि भगवा पञत्ते आसने । निसज्ज खो भगवा आयस्मन्तं आनन्दं आमन्तेसि – “इच मे त्वं, आनन्द, पानीयं आहर, पिपासितोस्मि, आनन्द, पिविस्सामी''ति । एवं वुत्ते आयस्मा आनन्दो भगवन्तं एतदवोच - “इदानि, भन्ते, पञ्चमत्तानि सकटसतानि अतिक्कन्तानि, तं चक्कच्छिन्नं उदकं परित्तं लुळितं आविलं सन्दति । अयं, भन्ते, ककुधा नदी अविदूरे अच्छोदका सातोदका सीतोदका सेतोदका सुप्पतित्था रमणीया । एत्थ भगवा पानीयञ्च पिविस्सति, गत्तानि च सीतीकरिस्सती''ति ।
दुतियम्पि खो भगवा आयस्मन्तं आनन्दं आमन्तेसि - "इच मे त्वं, आनन्द, पानीयं आहर, पिपासितोस्मि, आनन्द, पिविस्सामी''ति । दुतियम्पि खो आयस्मा आनन्दो भगवन्तं एतदवोच- "इदानि, भन्ते, पञ्चमत्तानि सकटसतानि अतिक्कन्तानि, तं चक्कच्छिन्नं उदकं परित्तं लुळितं आविलं सन्दति । अयं, भन्ते, ककुधा नदी अविदूरे अच्छोदका सातोदका सीतोदका सेतोदका सुप्पतित्था रमणीया । एत्थ भगवा पानीयञ्च पिविस्सति, गत्तानि च सीतीकरिस्सती''ति ।
ततियम्पि खो भगवा आयस्मन्तं आनन्दं आमन्तेसि- “इच मे त्वं, आनन्द, पानीयं आहर, पिपासितोस्मि, आनन्द, पिविस्सामी''ति । “एवं, भन्ते'ति खो आयस्मा आनन्दो भगवतो पटिस्सुत्वा पत्तं गहेत्वा येन सा नदिका तेनुपसङ्कमि । अथ खो सा नदिका चक्कच्छिन्ना परित्ता लुळिता आविला सन्दमाना, आयस्मन्ते आनन्दे उपसङ्कमन्ते अच्छा विप्पसन्ना अनाविला सन्दित्थ । अथ खो आयस्मतो आनन्दस्स एतदहोसि - "अच्छरियं वत, भो, अब्भुतं वत, भो, तथागतस्स महिद्धिकता महानुभावता । अयहि सा नदिका चक्कच्छिन्ना परित्ता लुळिता आविला सन्दमाना मयि उपसङ्कमन्ते अच्छा विप्पसन्ना अनाविला सन्दती'ति । पत्तेन पानीयं आदाय येन भगवा तेनुपसङ्कमि; उपसङ्कमित्वा भगवन्तं एतदवोच- “अच्छरियं, भन्ते, अब्भुतं, भन्ते, तथागतस्स महिद्धिकता महानुभावता । इदानि सा भन्ते नदिका चक्कच्छिन्ना परित्ता लुळिता आविला सन्दमाना मयि उपसङ्कमन्ते अच्छा विप्पसन्ना अनाविला सन्दित्थ । पिवतु भगवा पानीयं पिवतु सुगतो पानीय''न्ति । अथ खो भगवा पानीयं अपायि ।
98
Jain Education International
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |