Page Text
________________
३. महापरिनिब्बानसुत्तं
“सद्दहसि त्वं, आनन्द, तथागतस्स बोधि "न्ति ? “ एवं, भन्ते” । “अथ किञ्चरहि त्वं, आनन्द, तथागतं यावततियकं अभिनिप्पीळेसी "ति ? " सम्मुखा मेतं, भन्ते, भगवतो सुतं सम्मुखा पटिग्गहितं - 'यस्स कस्सचि, आनन्द, चत्तारो इद्धिपादा भाविता बहुलीकता यानीकता वत्थुकता अनुट्ठिता परिचिता सुसमारद्धा, सो आकङ्खमानो कप्पं वा तिट्ठेय्य कप्पावसेसं वा । तथागतस्स खो, आनन्द, चत्तारो इद्विपादा भाविता बहुलीकता यानीकता वत्थुकता अनुट्टिता परिचिता सुसमारद्धा । सो आकङ्खमानो, आनन्द, तथागत कप्पं वा तिट्ठेय्य कप्पावसेसं वा'ति । ' सद्दहसि त्वं, आनन्दाति ? ' एवं, भन्ते' | तस्मातिहानन्द, तुम्हेवेतं दुक्कटं, तुम्हेवेतं अपरद्धं, यं त्वं तथागतेन एवं ओळारिके निमित्ते कयिरमाने ओळारिके ओभासे कयिरमाने नासक्खि पटिविज्झितुं, न तथागतं याचि - 'तिट्ठतु, भन्ते, भगवा कप्पं, तिट्ठतु सुगतो कप्पं बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सान 'न्ति । सचे त्वं, आनन्द, तथागतं याचेय्यासि, द्वेव ते वाचा तथागतो पटिक्खिपेय्य, अथ ततियकं अधिवासेय्य । तस्मातिहानन्द, तुम्हेवेतं दुक्कटं, तुम्हेवेतं अपरद्धं ।
( २.३.१७९ - १८० )
१७९. “एकमिदाहं, आनन्द, समयं राजगहे विहरामि गिज्झकूटे पब्बते । तत्रापि खो ताहं, आनन्द, आमन्तेसिं- 'रमणीयं, आनन्द, राजगहं, रमणीयो, आनन्द, गिज्झकूटो पब्बतो। यस्स कस्सचि, आनन्द, चत्तारो इद्विपादा भाविता बहुलीका यानीकता वत्थुकता अनुट्ठिता परिचिता सुसमारद्धा, सो आकङ्घमानो कप्पं वा तिट्ठेय्य कप्पावसेसं वा । तथागतस्स खो, आनन्द, चत्तारो इद्विपादा भाविता बहुलीकता यानीकता वत्थुकता अनुट्ठिता परिचिता सुसमारद्धा, सो आकङ्घमानो, आनन्द, तथागतो कप्पं वा तिट्ठेय्य कप्पावसेसं वा'ति । एवम्पि खो त्वं, आनन्द, तथागतेन ओळारिके निमित्ते कयिरमाने ओळारिके ओभासे कयिरमाने नासक्खि पटिविज्झितुं, न तथागतं याचि - 'तिट्ठतु, भन्ते, भगवा कप्पं, तिट्ठतु सुगतो कप्पं बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सान' न्ति । सचे त्वं, आनन्द, तथागतं याचेय्यासि, द्वे ते वाचा तथागतो पटिक्खिपेय्य, अथ ततियकं अधिवासेय्य । तस्मातिहानन्द, तुम्हेवेतं दुक्कटं, तुम्हेवेतं अपरद्धं ।
१८०. “एकमिदाहं, आनन्द, समयं तत्थेव राजगहे विहरामि गोतमनिग्रोधे ... पे०.... तत्थेव राजगहे विहरामि चोरपपाते... तत्थेव राजग विहरामि वेभारपस्से सत्तपण्णिगुहायं... तत्थेव राजगहे विहरामि इसिगिलिपस्से काळसिलायं... तत्थेव राजग
Jain Education International
८९
89
For Private & Personal Use Only
www.jainelibrary.org
| SR No. | 009977 |
| Book Title | Dighnikayo Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 358 |
| Language | Sanskrit |
| Classification | Interfaith & Buddhism |
| File Size | 13 MB |