Dighnikayo Part 2

SR No.: 009977
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 358
Language: Sanskrit
Classification: Interfaith & Buddhism
File Size: 13 MB

Page 135

८८
दीघनिकायो-२
(२.३.१७६-१७८)
“न तावाहं, पापिम, परिनिब्बायिस्सामि, याव मे इदं ब्रह्मचरियं न इद्धञ्चेव भविस्सति फीतञ्च वित्थारिकं बाहुजनं पुथुभूतं याव देवमनुस्सेहि सुप्पकासित"न्ति ।
१७६. “इदानेव खो, आनन्द, अज्ज चापाले चेतिये मारो पापिमा येनाहं तेनुपसङ्कमि; उपसङ्कमित्वा एकमन्तं अट्ठासि । एकमन्तं ठितो खो, आनन्द, मारो पापिमा मं एतदवोच – 'परिनिब्बातु दानि, भन्ते, भगवा; परिनिब्बातु सुगतो, परिनिब्बानकालो दानि, भन्ते. भगवतो। भासिता खो पनेसा, भन्ते, भगवता वाचा- न तावाहं, पापिम, परिनिब्बायिस्सामि, याव मे भिक्खू न सावका भविस्सन्ति...पे०... याव मे भिक्खुनियो न साविका भविस्सन्ति...पे०... याव मे उपासका न सावका भविस्सन्ति...पे०... याव मे उपासिका न साविका भविस्सन्ति...पे०... याव मे इदं ब्रह्मचरियं न इद्धञ्चेव भविस्सति फीतञ्च वित्थारिकं बाहुजनं पुथुभूतं, याव देवमनुस्सेहि सुप्पकासित'न्ति । एतरहि खो पन, भन्ते, भगवतो ब्रह्मचरियं इद्धञ्चेव फीतञ्च वित्थारिकं बाहुजनं पुथुभूतं, याव देवमनुस्सेहि सुप्पकासितं । परिनिब्बातु दानि, भन्ते, भगवा; परिनिब्बातु सुगतो. परिनिब्बानकालो दानि. भन्ते. भगवतो"ति ।
१७७. “एवं वुत्ते, अहं, आनन्द, मारं पापिमन्तं एतदवोचं – 'अप्पोस्सुक्को त्वं, पापिम, होहि, नचिरं तथागतस्स परिनिब्बानं भविस्सति । इतो तिण्णं मासानं अच्चयेन तथागतो परिनिब्बायिस्सती'ति । इदानेव खो, आनन्द, अज्ज चापाले चेतिये तथागतेन सतेन सम्पजानेन आयुसङ्घारो ओस्सट्ठो"ति।
आनन्दयाचनकथा
१७८. एवं वुत्ते आयस्मा आनन्दो भगवन्तं एतदवोच – “तिद्वतु, भन्ते, भगवा कप्पं, तिहतु सुगतो कप्पं बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सान''न्ति ।
“अलंदानि, आनन्द । मा तथागतं याचि, अकालो दानि, आनन्द, तथागतं याचनाया'ति । दुतियम्पि खो आयस्मा आनन्दो...पे०... ततियम्पि खो आयस्मा आनन्दो भगवन्तं एतदवोच - “तिद्वतु, भन्ते, भगवा कप्पं, तिट्टतु सुगतो कप्पं बहुजनहिताय बहुजनसुखाय लोकानुकम्पाय अत्थाय हिताय सुखाय देवमनुस्सान''न्ति ।
88