Dighnikayo Part 1

SR No.: 009976
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 358
Language: Sanskrit
Classification: Interfaith, Buddhism, R000, & R005
File Size: 13 MB

Page 251

दीघनिकायो- १
वा,
'होति तथागतो परं मरणा'ति वा, 'न होति तथागतो परं मरणा'ति वा, 'होति च न च होति तथागतो परं मरणा'ति वा, 'नेव होति न न होति तथागतो परं मरणाति वा "ति ।
१६८
एवं वुत्ते पोट्ठपादो परिब्बाजको ते परिब्बाजके एतदवोच - " अहम्पि खो, भो, न किञ्चि समणस्स गोतमस्स एकंसिकं धम्मं देसितं आजानामि - 'सस्तो लोको 'ति वा, ‘असस्सतो लोको'ति वा... पे०... 'नेव होति न न होति तथागतो परं मरणा 'ति वा; अपि च समणो गोतमो भूतं तच्छं तथं पटिपदं पञ्ञपेति धम्मट्टिततं धम्मनियामतं । भूतं खो पन तच्छं तथं पटिपदं पञ्ञपेन्तस्स धम्मट्ठिततं धम्मनियामतं, कथञ्हि नाम मादिसो विञ्ञू समणस्स गोतमस्स सुभासितं सुभासिततो नाब्भनुमोदेय्या ”ति ?
चित्तहत्थिसारिपुत्तपोट्टपादवत्थु
४२२. अथ खो द्वीहतीहस्स अच्चयेन चित्तो च हत्थिसारिपुत्तो पोट्ठपादो च परिब्बाजको येन भगवा तेनुपसङ्कमिंसु; उपसङ्कमित्वा चित्तो हत्थिसारिपुत्तो भगवन्तं अभिवादेत्वा एकमन्तं निसीदि । पोट्ठपादो पन परिब्बाजको भगवता सद्धिं सम्मोदि । सम्मोदनीयं कथं सारणीयं वीतिसारेत्वा एकमन्तं निसीदि । एकमन्तं निसिन्नो खो पोट्ठपादो परिब्बाजको भगवन्तं एतदवोच - " तदा मं, भन्ते, ते परिब्बाजका अचिरपक्कन्तस्स भगवतो समन्ततो वाचासन्नितोदकेन सञ्झब्भरिमकंसु - 'एवमेव पनायं भवं पोट्टपादो यञ्ञदेव समणो गोतमो भासति, तं तदेवस्स अब्भनुमोदति - एवमेतं भगवा एवमेतं सुगता 'ति । न खो पन मयं किञ्चि समणस्स गोतमस्स एकंसिकं धम्मं देसितं आजानाम - 'सस्तो लोको'ति वा, 'असस्सतो लोको' ति वा, 'अन्तवा लोको' ति वा, 'अनन्तवा लोको' ति वा, 'तं जीवं तं सरीर 'न्ति वा, 'अञ्ञ जीवं अञ्ञ सरीर 'न्ति वा, 'होति तथागतो परं मरणाति वा, 'न होति तथागतो परं मरणा'ति वा, 'होति च न च होति तथागतो परं मरणा'ति वा, 'नेव होति न न होति तथागतो परं मरणा'ति वा'ति । एवं वुत्ताहं, भन्ते, ते परिब्बाजके एतदवोचं - “अहम्पि खो, भो, न किञ्चि समणस्स गोतमस्स एकंसिकं धम्मं देसितं आजानामि - 'सस्सतो लोको 'ति वा, 'असस्सतो लोको'ति वा... पे०... 'नेव होति न न होति तथागतो परं मरणा'ति वा; अपि च समणो गोतमो भूतं तच्छं तथं पटिपदं पञ्ञपेति धम्मट्ठिततं धम्मनियामतं ।
(१.९.४२२-४२२)
168