________________
३१६
श्रीविजयपद्मसूरिविरचितः
॥ ८. गेयस्तवनानि ॥ ॥ श्रीसिद्धगिरिमण्डन-आदीश्वरप्रभुस्तवनम् ॥ कल्लाणगमंगलकेलिकरं, पढमनिवइमुणिवइतित्थयरं । निरवहिगुणगेहतिलोयवरं, पणमामि विमलगिरिनाथमहं ॥१॥ मयणेभपणाणणचक्खुदयं, सरणागयरक्खगबोहिदयं । णिक्कामसिरोमणिसुक्खदयं, पणमामि विमलगिरिनाथमहं ॥२॥ दुक्कम्मलयाकरवालवयं, सत्तियहरिसयमहिमड्ढवयं । कुंदामलकित्तिजसं विजयं, पणमामि विमलगिरिनाथमहं ॥३।। भवसायरणिज्जामगपवरं, केवलिनायगदुहसंतियरं । गुरुनेमिपउमनयपयकमलं, पणमामि विमलगिरिनाथमहं ॥४||
॥ श्रीशान्तिनाथस्तवनम् ॥
अइराणंदणममराइनयं, सुहसंतियदंसणसमणथुयं । वरलक्खणभूसियपायकयं, पणमामि सया सिरिसंतिपहुं ॥१॥ जगईयलभव्वजलयतरणि, भविहिययकुमुयवररत्तिमणि । पसमाइगुणरयणपयरखणि, पणमामि सया सिरिसंतिपहुं ।।२।। नवदिणयरकंतिसरीरहरं, वरसंतिपदायगपयकमलं । भगवंतसयंबुद्धाइगरं, पणमामि सया सिरिसंतिपहुं ।।३।। भवनीरहिपवहणवरवयणं, जोगीसमहामाहणणयणं । समणं समणं समणं विमणं, पणमामि सया सिरिसंतिपहुं ॥४॥ करुणायरधिज्जसुरद्दिसमं, गंभीरसहावे वद्धिसमं । गुरुनेमिपउमसज्झेयकमं, पणमामि सया सिरिसंतिपहुं ॥५॥
