Page Text
________________
अन्नया कहमवि तोसिएण चक्कवट्टिणा भणिओ जण्हा(ण्हू) - 'पुत्त ! वरं मग्गेहि' । जण्हुणा भणियं - 'जइ एवं ता सयलभाउगसहिओ भरहवासंमि जि(ज)णाणं चक्काइरयणसमेओ चक्कवट्टिरिद्धिं दंसेंतो भमिस्सामि त्ति अणुजाणह' । चक्किणा वि सुयसिणेहओ थीरयणवजे(ज्जे)हिं सेसरयणेहिं सहायाणु(सहाऽणु) ण्णाया सहस्संसुपम्ह(मु)हा विवरीयसउणा वि निग्गंतुमावासिया सबला बाहिरुज्जाणे । दुद्धं(दटुं ?) च तम्मि विवित्तपएसे वंदिऊणेगो मुणी पुच्छिओ तेहिं – भगवं ! साहसु किं तुम्ह वयगहणे कारणं ?' मुणी भणइ – 'साहेमि सुम्मउ जहा निक्खंतोऽहं पुरंदरदत्तो'त्ति । पुरंदर[दत्त]कहाणयं भण्णइ -
वसंतउरे बंभणधम्मो(वरुणवम्मो) नाम बहुविन्नाणो खत्तिओ । तस्स विर(चरि) एहिं दुस्सीला वि सीलवई नाम भज्जा । सो य तहा विडंबिओ तीए जहाऽभयकुमारचरिए भणिस्समाणो सुव्वओ । तउव्विग्गो सुगुरुसमीवे पव्वइत्ता देवलोगं गओ । तओ चइऊण विसयाए नयरीए असोयचंदस्स राइणो असोगभद्दो णाम पुत्तो जाओ । परिणाविओ य पिउणा सो कण्णासयं जोव्वणत्थं(त्थो) । कयाइ गओ उज्जाणं । तत्थ य दट्टमेगं मुणिं संजायसिणेहो भणइ – 'भगवं ! किं तए दिह्रण ममाऽऽणंदो जाओ ?' मुणी भणइ – 'भद्द ! वरुणवम्मभवे तुह महेलाविडंबियस्स मए सहायत्तं कयं आसि' । असोगभद्दो भणइ - 'कहं चि(वि)य?' तओ मुणिणा साहिओ(ए) सयलंमि वि वरुणवम्मभववइयरे निव्विण्णो असोगभद्दो धम्मघोससूरिसमीवे पव्वइत्ता देवलोगं गतो ।
तओ चविऊणिहेव भारहे वासे इंददत्तस्स पुत्तो पुरंदरदत्तो नामाऽहं समुप्पन्नो । जोव्वणत्थेण य कयाइ मए सिरिपव्वयमणुचरंतो साइसु(स)यनाणो दिट्ठो उसहसेणो नाम साहू । तेण य गुणं पेच्छ(च्छं)तेण साहिओ मे पुव्वभववइयरो। उव(तं च?) सोउमहं निविण्णो तदंतिए पव्वइओ तेणेव संमं(समं) विहरंतो जाविहाऽऽगओ ताव सो भगवं इह सिद्धत्तुवडव(सिद्धवड)हे?ओ सिद्धो त्ति । पुरंदरदत्तो त्ति गयं ॥
सोउं चेमं पुरंदरदत्तचरियं सहस्संसुपमुहा भणंति - ‘भयवं धणो(ण्णो) तुमं जमेवं पव्व[इ]ओ मि(सि)'त्ति।
कमेण य महाविभूईए भमंता ते कुमारा पत्ता पव्वयमहा( हा )वयं नाम । तं च दट्ठण पुच्छंति सुबुद्धिनामिणो नियमंतिणो – 'को एस पव्वओ ?' तेहि वि - 'रिसहसामिसिद्धिनिवासो अट्ठावओ नामेसो नगवरो । ता तुम्हमेत्थ गमणमुचियंति भणिए समारूढा तत्थ सपरिवारा जण्हुमाइया कुमारा । द य चउवीसंजिणाययणाई(इं) पइत्ता विहवाणरूव(वं) वंदियाणि परमभत्तीए ।
तओ जण्हुणा पुच्छिया मंतिणो – 'केणेरिसाणि चेइयाणि निमि(म्मि)याणि ?' मंतिणो भणंति - 'देव ! तुम्हं वंसुप्पन्नेण उसभसामिपुत्तेण भरहेण कयाइं' । तओ जण्हुणा – 'अम्हंपि रयणाणि अत्थि । ता करेमि एरिसचेइयाणि । अट्ठावयतुज्झ(ल्लं) किंचि गिरिवरं निरूवेह'त्ति भणिऊण पेसिया नियपुरिसा। तेहि य तहा कए वि अपिच्छंतेवि(हिं) समागंतूणं भणियं जहा – 'देव ! न एरिसो अन्नो डुंगरो अत्थि' । जण्हुणा भणियं – 'जइ एवं ता एयस्स चेव जच्चरयणमेव(मय)चेइयमंडियस्स अट्ठावयगणस्स जहा कोइ कालदोसेणोवद्दवं न करेइ तहा कारेमो । जओ दाणाइ(ओ) पालणं सेयं' ।
___तओ गहियं दंडरयणं । दिन्ना तेण अट्ठावयस्स सव्वासु दिसासु जोयणसहस्सपरिमाणा खाइया । भग्गाइं तत्थ नागभवणाइं । पलाणा नागकुमारा । तओ ते संभते दुज्जण(दट्ठण) समागओ जण्हुसमीवे जलणप्पहो नाम नागराया । भणियं चऽणेण - 'ममत्थ हेटुओ भवणं चिटुइ । ना(ता) मा निक्कारणं
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |