Page Text
________________
[४१]
[राया] आइच्चजसो महायसो अइबलो य बलभद्दो ।
बलविरिय - कत्तविरिओ जलविरिओ दंडविरिओ य ॥ [आ.नि. ३६३] एएहिं अड्डभरहं, भुत्तं सयलं सिरेण धरिओ य ।
जिंणसंतिओ य मउडो, सेसेहिं न चाइओ वोड्डी (वोढुं ? ) ॥ [आ.नि. ३६४] ई(इ)य किंचि विरहकाले, कुलगरकाले वि किंचिमुप्पन्नं । पहुणा उदेसियाई, सव्वकलासिप्पकम्माई ॥
जं चेह रिसह-भरहेहिं, साहिया बहुगुणा बहुविऊहिं । धम्म-त्थ-काम-मोक्खा, तं तेसु जणो पवन्नो (तो) त्ति ॥ ॥ रिसहसामि - भरहचक्कवट्टि त्ति गयं ॥
भरहचक्कवट्टिपच्चक्खरिसहजिणाओ य पंचाससागरोवमकोडिलक्खेहिं बीओ अजियजिणो त्ति । अजियजिणकहा भण्णइ -
I
सुसीमाए नयरीए विमलो नाम राया । सो य समए अरिदमणसूरिसमीवे निक्खंतो निबद्धतित्थयरनामकम्मो जाओ विजयविमाणे देवो । तओ वइसाहसुद्धतेरसीए व (च)इ[ऊ]णिहेव जंबुद्दीवे भारहे वासे अओज्झाए नयरीए जियसत्तुस्स रन्नो विजयादेवीए चोद (द्द) ससुमिणपू (सू)इओ संभूओ गब्भे । तओ माहसुद्धट्ठमीए जाओ बावत्तरिपुव्वलक्खाऊ कणयवन्नो पुत्तो । संभूयम्मि य जमिमंमि ऊ(ज)णणी अक्खेसु अजिया, तेण सो पइट्ठिया (ओ) पिउणा अजियनाम । सड्ढचउसयधणूसिओ अजिओ कुमारो अट्ठारसपुव्वलक्खोवरि पुव्वंगाहियाणि तेवण्णं पुव्वलक्खाणि जाव कयरज्जा (ज्जो) माहसुद्धनवमीए निक्खंतो। बारसवरिसोवरि पोससुद्धेकारसीए संपत्तकेवलो गयलंछणो गजलंछणो वा वाम - दक्षि (क्खि ) णपासेसु अजियादेवी-जक्खवइपज्जुवासिज्जमाणो रिसहजिणतित्थपल्लट्टणेण नियतित्थं पवर्त्तितो विहरइ ।
थिरीकया बहवो अजियजिणेण पाणिणो धम्मे, जहा मुद्धभट्टो त्ति । मुद्धहट्ट - कया (हा ) भण्णइ -
कोसंबीए नयरीए नाऽइदूरे सालिगामो नाम अग्गाहारो । तम्मि दामोदरो नाम बंभणो । सोमा से भारिया । तेसिं मुद्धहट्टो नाम पुत्त । तस्स सिद्धभट्टधूया सुलक्खणा नाम भज्जा । तीए य सह विसयसुहमणुहवंतो मुद्धभट्टो मएहिं जणणि जणएहिं सुद्ध (खुद्द ?) दालिद्दकरालिओ सुलक्खणं मोत्तुं गओ देसंतरं । सुलक्खणाऽवि भत्तुणो विओएण निव्विण्णा विमलागणिणीए समीवे धम्मं सोऊण निच्चलसम्मत्ता साविया जाया, सद्धम्मपरायणा चिट्ठइत्ति ।
'कथं मम
इओ य मुद्धहट्टो कह वि विढत्तदव्वो समागओ सुलसा (सुल) क्खणं भंगइ (भणइ ?) विरहे तुमं ठिया?' भट्टिणी भणइ - 'सम (म्म) त्तबलेणं' । भट्टो भणइ 'पिए ! किमिदं सम्मत्तं ?' भट्टिणीए वि ‘[जीवा]जीव - पुन्न - पावासव-बंध-संवर - निज्जरा - मोक्खा मवि (नव?) जिणि (णु)त्ता तत्थ (त) त्था, तेसु य सहो(यो)चियपवित्तीए जो सम्मं भावो तं सम्मत्त' मिच्चाइ परूविओ सवित्थरो धम्मो । तं च सोउं लहुं(हु)कम्मत्तणओ मुद्धहट्टो वि सावओ जाओ । कालक्कमेण य समुप्पन्नो तेसिं पुत्तो । भणइ य लोओ ‘भो ! कुलकम्मा(क्कमा) गयं धम्मं मोत्तुमिमे सावया जाया' ।
* पवरो जिणिंदमउडो इति आ.नि. ।
—
—
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |