Page Text
________________
किंच
-
[४०]
सिवसमुहो त्ति सोउं, भरहेण अट्ठावयंमि पाएहिं ।
पत्तेणं सुरिंदेहि य, रिसहो कयपूओ सिद्धो ॥
एत्थंतरंमि य महासोयसंघट्टेणं मुच्छिओ भरहो जेणऽज्ज वि तया न जाणिज्जइ रोविउं । तओ पढममेव च (स)क्केण मोक्कपोक्को, पच्छा देवेहिं, तदणुसारेण य भरहस्स मोक्कपोक्कस्स फुट्टो सोयसंघट्टो । तपभ (तप्पभि)इं च दुक्खिओ जणो रोविडं पयत्तो ।
तओ देवेहिं सामिणो सक्कारहत्थ (रत्थं) पुव्वदिसाए वट्टागारा विउ (र) इया चीया । तहा इक्खागवंससाहूणं दाहिणदिसाए तिकोणा, सेससाहूणं च पच्छिमदिसाए चउर (रं) सत्ति । तओ अग्गिकुमारेहिं पक्खित्ता (त्तो) तासु अग्गी। वाउकुमारेहिं संधुक्कियत्थं मुक्को वाऊ । दड्ढेसु य मंस-सोणिएसु मेहकुमारेहिं उल्हवियाओ गंधोदगेण चीयाओ । तओ सोहम्मदो 'सेस त्ति दाहिणं दाढं गेण्हइ, वाममीसाणिदो गेहइ । सेसदाढाओ दंते य चमरो (रा) ईया गेण्हंति । सेससो (सा) वया वि सेसं मग्गंता देवेहिं दिन्नकुंडग्गिणो 'अग्गिहोत्तिया 'णाम बंभणा जाया ।
तओ देविंदा कयकिच्चा य ( ग ) या सट्ठाणं । भरहो वि भगवओ सक्कारठाणे वड्ढइरयणेण जोयणायामं दुगाउयसमूसियं आययणं करेइ । तस्स य मज्झे भगवओ रिसहसामिस्स सेसतित्थयराणं च अजियाईणं वद्धमाणसामिपज्जंताणं पुव्वमेव भगवंतसमीवे विण्णायसरूवाणं तहा णवण[उइ]-भाउगभा(गाणं) य नियनियवन्न-पमाणेहिं पडिमाओ पय (इ)ट्ठावेइ । तओ, 'मा कोइ जहा कहं वि (पि) अट्ठावयारोभ (ह) णेण [आ] सायणं करेउ 'त्ति संपहारिय दंडरयणेण अट्ठावयं वट्टागारेण छिंदइ । अट्ठजोयण (णु) च्वंमि य अट्ठावयपव्वयंमि जोयणे [जोयणे ] अट्ठ सोवाणाणि करावे ।
एवं च कयचेइयकिच्चो भरहचक्की समागओ विणीयनगरीए । कालेण य अप्पसोगो जाओ, पुणरवि भोगे भुंजिउं पयत्तो । गएसु य पंचपुव्वलक्खेसु सव्वालंकारभूसिओ चक्की आयंसघरमय (ज्झ ) गओ । तत्थ य सव्वंसि (गि)ओ पुरिसो दीसइ । तओ तस्स पाणं (णि) पिच्छमाणस्स पडियमंगुलीययं तं च तेण न नायं पडतं । कमेण य पलोए (एं) तस्स जाव सा अंगुली दिट्ठीए पडिया ताव असोभंवि (ति) या दिट्ठा । तओ कडगं अवणेइ । एवं एक्केक्कं (क्क) मुत्तारंतेण सव्वमाभरणमवणीयं । ताहे अप्पाणं वुढिय (उच्चिय)पउमं [व] पउमसरमसोभमाणं पेच्छिऊण संवेगावन्नो परिचितिउं पयत्तो 'अहो आगंतुगदव्वेहिं रमणीयं मे सरीरमिमं न सहावसुंदरं' । एवं चिंतंतस्स अपुव्वं झाणविसेसमुवट्ठियस्स केवलनाणं समुप्पन्नं ।
-
तओ सक्को देवराया आगओ भणइ - 'दव्वलिंगं पडिवज्जह जेण निक्खमणमिमं (महिम) करेमि ' । तओ भरहो पंचमुट्ठियं लोयं करेइ (ऊ) ण देवयाए र ओहरण - पडिग्गहाइउवगरणे समप्पिए दसहिं नाइ (राय) सहस्से हिं समं पव्वइओ । तओ सक्केणं वंदिओ ।
एवं च भरहो सत्तरति (सत्तसत्तरिं) पुव्वलक्खाई कुमारभावं पालिऊण, वाससहस्सं मंडलियरायत्तं, [छ] पुव्वलक्खाइं वाससहसू(स्सू) णाइं चक्कवट्टि[त्त ] मणुभूय, पुव्व [ सय ] सहस्सं केवलिपरियागं च पालित्ता सिद्धो त्ति ।
तओ भरहपच्छोप्प पुत्तपुत्तयाइ कमेणाऽहिसित्ता सक्केण राया ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |