Page Text
________________
लक्खं १२ अट्ठसयाणि य १३ 'बासद्धिं चउसया १४ सहस्सा १५ य । एगट्ठी छच्च सया १६ सट्ठिसहस्सा सया छच्चा १७ ॥ [२६२] सट्ठि १८ पणपन्न १९ पन्ने२०गचत्त २१ चत्ता २२ तहऽद्रुतीसं च २३ । छत्तीसं च सहस्सा २४ अज्जाणं संगहो एसो ॥ [२६३] चुलसीइ १ पंचनउइ २ बिउत्तरं ३ सोलसूरु(सुत्तर)४ सयं च ५ । सत्तहियं ६ पणच(न) उई ७ तेणउई ८ अट्ठसीई य ९ ॥ [२६६] एक्कासी य १० बावत्तरी य ११ छावट्ठि १२ सत्तवन्ना य १३ । पन्ना १४ तेयालीसा १५ छत्तीसा चेव १६ पणतीसा १७ ।। [२६७] तेत्तीस १८ अट्ठवीसा १९ अट्ठारस चेव २० तह य सत्तरस २१ । एक्कार[स] २२ दस २३ नवगं २४ गणाण माणं जिणिदाणं ॥ [२६८] एक्कारस उ गणहरा, जिणस्स वीरस्स सेसयाणं तु ।।
जावइया जस्स गणा, तावइया गणहरा तस्स ॥ [२६९] एवं चोसहसेणाइसत्थेण(साहूणं?) सामिणो चउरासीइ सहस्साणि, बंभीपमुहसाहुणीणं तिन्नि लक्खाणि, सेयंसाइसावयाणं पंचाणउइसहस्साहियाणि तिन्नि लक्खाणि, सुभद्दाइसावियाणं पंचलक्खाणि जायाणि त्ति ।
इओ पढमसमोसरणे भगवओ भरहो पूयं काऊण चक्करयणस्स अट्ठाहियामहिमं करेइ । निव्वत्तियाए य अट्ठाहियाए तं चक्करयणं पुव्वाभिमुहं पहावियं । भरहो वि सव्वबलेण चक्करयणमणुगच्छइ । तं च जोयणं गंतुं ठियं ति । जाया सा जोयणसंखा । एवं च पुव्वदिसाए मागहतित्थं जाव गंतुं ठियं चक्कं । तओ भरहो कओववासतिगो रहेण समुद्दमवगाहेइ त(च)क्कनाहिं जाव । तओ नियनामंकं सरं पुरओ विसज्जेइ । सो य दुवालसजोयणाणि गंतूण मागहतित्थकुमारस्स भवणे पडिओ । सो तं च दट्ठण पडिकुविओ भणइ - 'को पुण एसो अपत्थियपत्थियव्वओ ?' तओ नामं सरंमि पासइ जहा उप्पन्नो भरहो चक्कवट्टी । तओ तं चेव सरं मउडं कुंडालाणि चूडामणिं च घेत्तूण उवट्ठिओ भणइ – 'अहं ते पुव्विल्लो अंतयालो(अंतेवालो)' । ताहे तस्स अट्ठाहियामहिमं करेइ ।।
एवं एएण कमेण दाहिणेण वरदामकुमारो दिव्वंसुह(य?)खंडं कडिसुत्तयं च देइ । अवरेण पहासकुमारो मालं मुत्तावलि [च] देइ । ताहे सिंधुदेविं साहेइ । सा वि कलसाणमट्ठत्तरसहस्सं रयणचित्तं देइ । तओ वेवत्थ(वेयड्ड)गिरिकुमारं देवं साहिऊण तिमिसगुहाए कयमालयं साहेइ । सो वि विविहरयणनिम्मियंमणंकारं(यमलंकारं) इत्थीरयणारिहं देइ ।
तओ सुसेणो सेणावई सव्व(अद्ध)बलेण दाहिण(णि)ल्लं सिंधुखंडं साहेत्ता तिमिसगुहमुग्घाडावेइ । तीए य तिमिसगुहाए पंचासजोयणपिहुलवेयड्डपव्वयगयाए चक्की हत्थिरयणकुंभत्थलोवरि धरियमणिरयणि(णु)ज्जोएण बलस्स पुरओ वच्चइ । गुहापासा(स)भित्तीसु अ जोयणंतरियाणि पंचधणुसयपमाणाणि बलमु(स्सु)ज्जोयनिमित्तं(त्त)मेगूणपण्णासं मंडलाणि कागिणीरयणेण लिहइ । गुहामज्झगयाओ य चम्मरयणेणुम्मग्गनिमग्गसलिलाओ दो समुत्तरइ ।
१. बावट्ठिसहस्स चउसयसमग्गा - इति आ.नि. ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |