Page Text
________________
[१४] एवं वोत्तूण गओ देवो । जइ सामि ! तं सुमरह तो अत्थि परलोगं ति ( लोग त्ति) सद्दहह' । तेण भणियं 'सयंबुद्ध ! समी(म)रामि पियामहवयणं' । तओ लद्धावगासो सयंबुद्धो भणइ 'सुण तुझं पुव्वपुरिसवुत्तंतं साहेमि' ।
-
'एत्थेव पुव्वि कुरुचंदो नाम राया आसि । तस्स कुरुमई नाम देवी हरिचंदो य कुमारो । सो य राया 'कओलो निद्दओ य बहुयं कालं रज्जं पालिता (पालित्ता) मरणकाले धाउवि [व] ज्जएणं असुहं पडीवा (या) रं सुहं, [सुहं] च असुहं मन्नइ । तओ तं तहाविहं नाऊण कुरुमइदेवी सह हरिचंदेण पच्छण्णं पडियरइ । परमदुक्खिओ य मओ सो । तओ हरिचंदो तस्स नीहरणं काऊण जणवयं नाएण पालेइ । तहाभूयपिउणो मरणं च अणुचिंति (त) यंतो अत्थि धम्मो परलोगो त्ति य पडिवज्जइ । तओ अण गो खत्तियकुमारो बालवयंसो सावओ सुबुद्धी नाम भ “भद्द ! मह तए पंडियजणोवइट्ठो धम्मो कहियव्वो । एसेव तुह सेव "त्ति । तओ सो तेण निओगेण जं जं धम्मवयणं तं तं राइणो निवेइ (ए) इ । सो वि सुसीलयाए तहेव सद्दह ।
कयाइं च नगरबाहिं एगस्स साहुणो केवलुप्पत्तिमहिमं ति काउं देवा उवागया । तं च उवलहिऊण सुबुद्धिणा हरिचंदस्स न (नि) वेइयं । सो वि देवागमविम्हिओ तुरगारूढो गओ साहुसमीवं । वंदिऊण निसण्णो । संसारकहं मोक्खकहं च सोऊण अत्थि परभवसंकमो त्थि (त्ति) निस्संकिओ पुच्छइ – “भयवं ! कुरुचंदो राया मम पिया कहिं गओ ?" भगवया भणियं " हरिचंद ! तव पिया निद्धम्मो महापावं काऊण सत्तमनिरयपुढवीए नेरइओ उववन्नो । तत्थ दुव्विसहं वेयंतो चे (चि) ट्ठइ" । एवं च पिउणो कम्मविवागं सोऊण हरिचंदो स(सु) बुद्धिणा सह परमसंवेगो पव्वइत्ता निव्वुओत्ति । सुम्मइ (सुव्वइ ?) य महाराय ! एरिसं जहा तस्स हरिचंदराइणो वंसे बहूसु नरवईसु गएसु तुब्भे संपयं सामिणो उववण्णा । अहं पुण सुबुद्धिवंसे जाओ त्ति । एवं च अम्हं धम्मोवएसनिओगो बहुपुरिसपरंपरागओ । जं पुण एत्थ मया अयंडे विन्नत्तं तं कारणं सुणह
-
-
-
-
अज्ज अहं नंदणवणं गओ आसि । तत्थ दिट्ठा दुवे चारणसमणा आइच्चजसो अमियतेओ त्ति । ते मया वंदिऊण पुच्छिया " भगवं ! महाबलस्स रण्णो केवइयमाउयं संपयं अत्थि ?" तेहिं भणियं “मासो सेसो ।” तओ संभंतोऽहमागओ । एस परमत्थो । जं जाणह तुब्भे तं करेह' ।
तओ सो भाणियंपुव्वद्ध(ताणि सयंबुद्ध) कहियाणि वयणाणि सोऊण भीओ सहसा उट्ठओ कयंजली सबुद्धं भइ 'वयंस ! किमिदाणिं माससेसजीविओ करिस्सं परलोगहियं ? 'ति । तेण समासासिओ 'सामि ! दिवसो वि बहुगो परिचत्तसव्वसावज्जजोगस्स, किमंग पुणो मासो ?'
-
-
तओ तस्स वयणेण दिन्नपुत्तरज्जो कयदेवपूयाय (इ) वावारो सिद्धाययणो (णे) अणसणं काऊण ईसाणे कप्पे सिर (रि?) प्हे विमाणे ललियंगओ नाम देवो जाओ । तस्स य सयंप्रभा नाम देवी । तीसे य नियाउक्खण चुयाए विरहविहुरो ए [स] ललियंगओ चिट्ठ ।
इओ य सयंबुद्धमंती(ति)जीवो कालं काऊणीसाणे देवो जाओ । सो य पुव्विं धम्मितताव(धम्ममित्तत्त)मुवागओ ललियंगयं तहा दट्टु भणइ 'मित्त ! किं दुम्मो दीससि ?' तेणाऽवि साहिए देवीवइअरे मंतिदेवो भणइ 'असंपत्तकामा नारी नियमत्था अणुणिज्जउ' । ललियंगओ भणइ १. कौल: (तान्त्रिकमतानुयायी) ।
"का सा ?'
-
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |