________________
[२५१]
तत्तो य ‘भुत्तगिहवित्थरो 'त्ति नाउं कलिंगसेणाए । मइरं पाएऊणं, तीए अहं उज्झिओ बाहिं ॥ पिइ-मि(मा)इमरणविहुरो, गहिउं भज्जाए अहं अलंकारं । सह माउलेण चलिओ, तत्तो वाणिज्जतण्हाए || पत्ता य सुहे दियहे, तत्तो णयरे ओसीरवत्तंमि । तत्थ य गहिओऽम्हेहिं, कप्पासो सव्वमुल्लेणं ॥ तत्तो तामलिहुत्तं, चलियाणं सो दवग्गिणा दड्ढो । मुक्को य माउलेणं, दुक्खविभागो (भग्गो) त्ति काऊणं ॥ गागी आसेणं, चलिओ अह पच्छिमादिसाहुतं । सो विमओ मम तुरओ, पायच्चारी तओ चलिओ ॥ दूरद्धाणपरत्तो, छुहा-पिवासाहिं पीडिओ कह वि । पत्तो पियंगुणयरं, बहुनेगमसंकुलं दिव्वं ॥
अह जणयवयंसेणं, तत्थ य दिट्ठो सुरिंददत्तेण । पुतो व्व गउरवेण य, धरिओ सणवीवराएहिं (भोयण-वत्थेहिं?) ॥ लक्खं कलंतरेणं, गहिउं दविणस्स धरियमाणो वि । वहणेणं अवइण्णो, धणतण्हाए समुमि ॥ अह पूइऊण विहिणा, नइनाहं जमुनदीवसमुहंमि । पेच्छंतो संचलिओ, अणोरपारं महसमुद्दं ॥ पत्तो य जउणदीवे, परिभममाणेण तंमि नयराई । अंतरदीवाइं तहा, बहुसो परिहिँडिओ उयही ॥ एवं हिंडंतेणं, समज्जियाओ य अट्ठ कोडीओ । तत्थ हिरण्णस्स मया, नियपुरहुत्तं तओ चलिओ ॥ फुट्टं च जाणवत्तं, आउयसेसेण कह वि लहिऊणं । फलहं किच्छेण तओ, कह वि हु सत्तरत्तेणं ॥ रायडरं नाम पुरं, तस्स य बाहिंमि घणलयाइण्णे । आसमपयंमि रम्मे, समागमो तत्थ पेच्छामि ॥ दिणयरमिव पच्चक्खं, तिदंडिपरिवायगं तओ तस्स । नामं गोत्तं च मया, निवेइयं दिणयरपय (ह) स्स ॥ पुत्तो इव तेण अहं, उवयरिओ; अण्णया य सो आह । 'गच्छामो वच्छ ! नगं, जेण रसं तुह पयच्छामि ॥ तं दीससि धणकंखी, तुज्झ सुहेणेव कोडि - लक्खाई । जेण पयच्छामि अहं, एत्थ वियप्पो न कायव्वो' ॥ इय नेहेणं भणिओ, अहं पि नमिऊण तस्स पयकमलं । परमाए भत्तीए, चलिओ परिवायगसमेओ ॥
