________________
[ १३३ ]
ता संग (प) यं पि गंतुं, संगमसलिलेण विरहतवियंगिं । निव्वविमो तमवस्सं, जइ जीवइ कहं वि पसयच्छी ॥ अण्णह पुण मम मरणं, हुयासणे नत्थि एत्थ संदेहो' । इय चिंतिउं मणे सो, कामावि (व) त्थं गओ गाढं || न समत्थो चंकमिउं, विद्धो बाणेहिं मयरकेउस्स ।
हियए खुडुक्कमाणं, सदयं पियमंजणं वहइ ॥
कह कह वि पहसियं तं, पभणइ 'न पेच्छामि [जइ हिययदइयं ] । तं अज्जमंजणमहं, न जियामि अवस्स तो मित्त ! ॥
एक्कं ता पढमं चिय, चत्ता बावीस ताव वरिसाई ।
पाइ (य) वडिया वि पी (पि) यं न भासिया पत्थिएत्थ ॥
ता साऽवस्सं मरिही, मुसिऊणं मित्त ! नत्थि संदेहो । तीए मरणंमि मरणं, ममाऽवि होही न संदेहो' ॥ इय भणिओ भणिऊणं, 'वच्चामो तत्थ जइ इमं एवं' । उप्पयिया(उप्पइया) ते दोण्णि वि, पच्छण्णा गयणमग्गेणं ॥ विज्जाबलेण पत्ता, दो वि खणद्धेण अंजणाभवणं । उल्लवयंमि अ धरियं (उं ? ), पवणगई पहसिओ ताहे ॥ अरिंग (ब्भि) तरं पविट्ठो, विज्जाए विहोडिऊण य कवाडे । दिट्ठा य जोइणी इव, दीवज्जोएण निंदंती ॥
अत्ताणं दीणमणा, मुज्झती तह खणे खणे गाढं । गंतूण तीए पुरओ, कओ पणामो तओ तेण ॥ नाओ य तीए मित्तो, एसो पवणंजयस्स भणिओ य ।
'उवविससु किं निमित्तं, समागओ पहसिय ! तुमं ? ति ॥ मित्तस्स तुम्ह कुसलं, अच्छइ सव्वं पि सोहणं तत्थ । केत्तियदिणेहिं एही, तुह मित्तो एत्थ नयरंमि' ॥
भणिया य तेण 'एसो, चिट्ठइ एत्थं व ( एत्थेव ?) आगओ तुज्झ । पवणगई भत्तारो, तेणाऽहं पेसिओ एत्थ' ||
-
-
—-
तं सुमिणसूइयं पिव, सुणिउं पवणंजयस्स आगमणं ।
पभणइ
'पहसिय ! पहससि, किं ? हसिया जा कयंतेण ? ॥ अहवा तुज्झ न दोसो, [दोसो] मम एस पुव्वकम्माणं । जाऽहं पइपरिभूया, जाया हसणिज्जया एवं' ॥ भणिया य पहसिएणं, ' मा सामिणि ! तं ममेवमाइससु । जा पवणंजयभज्जा, सा हसणिज्जा कुओ अम्ह ? | तं अम्ह वंदणिज्जा, एत्थ वियप्पो न होइ कायव्वो । सो एत्थ तुम्ह दइओ, समागओ मा कुण वियप्पं' ॥
