Page Text
________________
[८१]
कामपालो । 'मा साहसं'ति जंपिय(उ)मणेण आरुहिऊणाऽसोगमत्तारिओ वसंतदेवो भणिओ यऽणेण - 'भद्द ! किमेयमानि(गि)इविरुद्धं ववसियं?' तेण भणियं – 'अलमेरिसीए आगिइ(ई)ए अकल्लाणभायण[स्स] महं'त्ति साहिउं भणइ वइयरो(रं) । तमायण्णिऊण भणियं कामपालेण - ‘भद्द ! जइ वि एवमेयं तहा वि न जुत्तो पाणपरिच्चाओ । अवि य - उवाए चेव जु(ज)त्तो कायव्वो । पहवइ य एत्थुवाओ । किं चोवायाभावे वि सप्पुरिसस्स एवंविहे वि(व)इयरे मरणमणुचियमेव । जमेरिसेण वइयरेण तुमाओ तिव्वयरदुक्खपीडिओ उवायाभावे वि जीवामि अहं ति सुण' ।
'अहं खु कत्तियउरवत्थ[व्व]गो कामपालो नाम तारुण्णग्गहाणुभावओ निग्गओ देसदसणवडियाए । परिब्भमंतो समागओ संखउरं । तत्थ जु(ज)त्ता संखवालजक्खस्स । तीए निग्गओ नयरजणवओ । गओ अहं पि पेच्छिउं । भरमुवगओ महो । परिब्भमंतेण य मए दिट्ठा सहयारवीहिगाए अउव्वदंसणकण्णगा । समागओ अहं पि नयणगोयरं तीए पुलइओ(अ)महिला[ए] । संठिओ अहं तत्थेव कोड्डकरणमिसेण । पेसियमिमीए मम सहीहत्थे[ण] तंबोलगं । गहियं तं मए । 'किमेत्थ जत्थं(जुत्तं?)'ति जाव चिंतेमि तावि(व) वियरिओ हत्थी । कयमणेणाऽसमंजसं । आउलीहओ जणो । समागओ सहयारवी पलाणो परियणो । न पलाणा कण्णगा । धाविओ तं पइ हत्थी । अद्धगहिया इमी तेण । धाविऊण समाहओ मए पच्छिमभागे लगुडेण हत्थी । वलिओ पिट्ठओमुहं । तं मए वंचिऊण गहिया कण्णगा । उत्तारिया हत्थिसंभमाओ । मुच्चमाणा वि न मुयइ मं भावेण । समागओ से सयणवग्गो । बहुमण्णिओ अहं तेण सेसजणवएल(ण) य । नीया य सा कण्णगा पुणो सहयारवीहिगाए तत्थ । एतत्थ य कुओ वि वायवसेणाऽऽगंतुं निवडिया करिमुक्का करिफुसारा । तेहिं य दिसोदिसिं पलाणो जणो । तओ मए न नायं कहिं गया सा कण्णगा त्ति । कइ वि दियहे हिंडिऊण तंमि नयरे अलभ्रूण तीए पउत्तिं महया उम्माहगेण समागओ इहई । अत्थि य मम तीए उवरि सिणेहो। उवायाभावो य तस्संपत्तीए । तहा वि नाऽहं मरणमंगीकरेमि । जीवंतो हि पुरिसो भद्दाणि पासेइ । मओ उण मओ चेव । किज्जइ तओ तओ(व) कहा । उवाओ य एत्थ' -
'कल्लं सा परिणिज्जिही तओ अज्ज कायव्वा तीए रइसहियस्स भगवओ मयणस्स पूया । तं च एगागिणा(णी) चेव करेइ त्ति कप्पो । ता अम्हे अणागयं चेव पविसामो नगरमयणदेउलं । तओ तीए पविट्ठाए तस्समएणेव तव्वेसगहणेण गमिस्सामि अह(हं) तीए गेहं । तुमं पुण बहुवोलीणेसु अम्हेसु घेत्तूणमेयं लहुं अवक्कमेज्जासि'त्ति ।
'सोववत्त(त्ति)गं'ति सोऊण हरिसिओ वसंतदेवो । भणियं च णेण 'सोउ(व)वत्तिगमिणं किंतु तुज्झेत्थ वसणं'ति । एत्थंतरे छिक्कियं वुड्डमाहणेण । भणियं च कामपालेण - 'न मज्झ तत्थ वसणं । अवि य, तुह पओयणकरणेण महंतो मे अब्भुह(द)ओ'त्ति । एत्यंतरे सि(नि)यकज्जसंबद्धमेव जंपियं वुड्डमाहणीए 'न एत्थ संदेहो'त्ति । गहियसउणत्थेण पडिवण्णमिणं वसंतदेवेण । परितुट्ठा(पविठ्ठा) नयरिं । कया पाणवित्ती । काऊणोचियकरणिज्जं निग्गया संजाया(संझाए)।
पविठ्ठा मयणदेउलं । ठिया पडिमापिट्ठओ । थेववेलाए सुओ तूरनिनाओ । 'एसा आगच्छइ'त्ति हरिसिया चित्तेण। थेववेलाए समागया एसा । सुमरणमित्तसिद्धं पियसमागमनाममंतं चिंतयंती ओइण्णा जंपाणाओ । चडिया मयणदेउलं । गहिया पियंकरियाहत्थाओ चित्तोवगरणसंगया कणगमया पूयापत्ती ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |