Om Namo Siddham

SR No.: 009720
Original Sutra Author: N/A
Author: Basant Bramhachari
Publisher: Bramhanand Ashram
Total Pages: 100
Language: Hindi
Classification: Book_Devnagari
File Size: 1 MB

Page 95

करि तोड़न को सूल, भूल मति दाव भला तै पायो । भ्रमते भ्रमते भवसागर सों, मानुषगति में आयो || याहि गति सों भये तीर्थंकर, केवल ज्ञान उपायो । सूरत जानि दांव मति चूकै, यह सत्गुरु फरमायो ॥ ४९ ॥
बबा विसन कुविसन हैं, विसन वेग तू त्याग ।
करि पांचों इंद्रियां, शुभ कारज को लाग ॥ ५० ॥
शुभ कारज को लाग, त्यागकर विसन सात ये भारी । जुआ आमिष सुरापान, अरु आखेटक दुखकारी ॥ परधन चोरी अरु वेश्यातन, त्याग करो पर नारी । सूरत इस भव में सुख पावै, परभव सुख अधिकारी ॥ ५१ ॥
भभा भूल्यो ही फिरै, भ्रम्यो महा मिथ्यात ।
भेद न पायो ज्ञान को, तातैं आवत जात ॥ ५२ ॥
तातें आवत जात, बात सुन भेदज्ञान नहिं पाया । क्रोध मान लोभ अरु माया, इनसों नेह लगाया ॥ परमारथ की रीति न जानी, स्वास्थ देख भुलाया । सूरत भेदज्ञान जिन जानो, तिन मिथ्यात मिटाया ॥ ५३ ॥
ममा मति तिनकी सही, तिन मल कीनो दूर । मतवाले मद सूं भरे, तिनकों नाहिं सहूर ॥ ५४ ॥
तिनकों नाहिं सहूर दूर हैं कुमती कुमति विचारै । तिनके कुगुरु तिन्हें समझावें, पकड़े भव जल डारे ॥ पुण्य पाप को भेद न जानै, जीव अनाहक मारै । सूरत ते नर पड़े कुसंगति, किस विधि दोष निवारै ॥ ५५ ॥
या अयान बड़ो बुरो, यामें होय अकाज ।
यह ममता में फंस रह्यो, याहि न आवे लाज ॥ ५६ ॥
१६८
याहि न आवे लाज, आज सुन कह तेरो यहां को है। तात मात बांधव सुत कामिनि, तू इनके संग मोहै ॥ आठों याम मगन है इनमें यह तुमको नहिं सोहै ।
.
सूरत तजि अज्ञान स्यानपन, तब शिवपुर सुख सोहै ॥ ५७ ॥
ररा राव अनादि को, रच विषयन सों प्रीत । रस चाख्यो नहिं आतमी, लखी न रस की रीत ॥ ५८ ॥
लखी न रस की रीत, मीत तैं विषयनि संग सुख माना । आतमीक रस है सुखदायक, सो तैं नहीं पिछाना || जिन रस रीति लखी आतम की, सो शिवपुर के राना। सूरत वे भवि मुक्ति गए हैं, जिन आतम हित ठाना ॥ ५९ ॥
लला लिपट्यो ही रहै, लग्यो जगत के भेक । लख्यो न आप सरूप को, लह्यो न शुद्ध विवेक ॥ ६० ॥
लह्यो न शुद्ध विवेक, एक तैं पर आपा नहिं बूझा। वस्तु पराई लखी न भाई, तातें रह्यो अरूझा ॥ वस्तु विनासी नहीं प्रकाशी, तू कर्मन संग जूझा । सूरत वे भव पार भये हैं, जिनको आतम सूझा ॥ ६१॥
ववा वह संगति बुरी, जामें होय कुभाव । साधन की संगति भली, जामें सहज सुभाव ॥ ६२ ॥
जामें सहज सुभाव भाव है, सो शैली मोहि प्यारी । तत्त्व दरब की चर्चा तिनकै, तजै कुचर्चा भारी | भरम भावतें दूर रहत हैं, धर्म ध्यान की त्यारी । सूरत यह बांछा मन मेरे, उन मित्रन सों यारी ॥ ६३ ॥
ससा सोई सुघर है, सुनै सुगुरु की सीख ।
सदा रहै शुभ ध्यान में, सही जैन की ठीक ॥ ६४ ॥
१६९