Page Text
________________
श्री ज्यान समुच्चय सार जी दव्वं दव्व सहावं, जीव दव्वं च तिलोय संसुद्धं । छह गुन निवास सुद्धं, दो गुन अनाइ एक संजुत्तं ॥ ८०७ ।। अस्ति अस्तिति लोकं, वर दंसन न्यान चरन संजुत्तं । दंसेइ तिहुवनग्गं, न्यान मयो न्यान ससरूवं ॥ ८०८ ॥ अस्ति चरन संजुत्तं, अस्ति सरूवेन सहाव निम्मलयं । विगतं अविगत रूवं, चेयन संजुत्त निम्मलो सुद्धो ॥ ८०९ ॥ वस्तुत्वं वसति भुवने, वस्तुत्वं न्यान दंसन अनंतो । नंतानंत चतुस्टं, वस्तुत्वं तिलोय निम्मलो सुद्धो ॥ ८१० ॥ अप्रमेयं अप्रमानं, अप्पा परमप्प दिट्टि अप्रमेयं । सुद्ध सरूवं रूवं, न्यानं विमल केवलं सुद्धं ॥ ८११ ॥ गुरु तियलोय पमानो, लघु वित करित अप्प सुद्ध सभावो । गुरुत्वं लघु स उत्तं, न्यान मयो सुद्ध दंसनं ममलं ॥ ८१२ ॥ चेयन सुद्ध सहावं, चेयन संसार विगत रूवेन । कम्म मल पयडि षयंतो, चेयन रूवेन निम्मलो सुद्धो ॥ ८१३ ॥ रूवं विगत अरूवं, विगत रूवेन निम्मलो सुद्धो । अप्पा परमप्प मइओ, न्यान मई रूव निम्मलो सुद्धो ॥ ८१४ ।। ऊर्धं ऊर्ध सहावं, सुद्धं सर्वन्य चेयना सहियं । ऊर्ध अविगत रूवं, सुद्धं सुयमेव परम आनंदं ॥ ८१५ ॥ एकेन एकवंतो, एको संसार सरनि विगतोयं । एको तियलोय संजुत्तो, परमानंद नंद संजुत्तो ॥ ८१६ ॥ जीवं दव्व स उत्तं, संसारे विषय राग परिचत्तो । दंसन न्यान सहावो, चरनंपि जीव दव्व चेयना जुत्तो ॥ ८१७ ।।
श्री तारण तरण अध्यात्मवाणी जी अज्जीवं पिच्छंतो, अनित अचेत इंदिया सहिओ । मन सुभाव संचरतो, अतींद्री प्रान दव्व संजुत्तो ॥ ८१८ ॥ धम्मं चेयन रूवं, अचेयन भाव सयल विवरीदो । चेयन सहाव सुद्धो, धम्मं झानेहि अप्प परमप्पो ॥ ८१९ ।। अहंम असुद्ध भावो, संसार सरनि सयल संजुत्तो । स्थिति बन्ध संजुत्तो, ठिदिकरनोय अस्थिरी भूतो ॥ ८२० ।। अहंम सुद्ध सहाओ, चित्तं चिंतंति अप्प सभावं । । न्यान झान थिर सुद्धो, स्थिरं मुक्ति नंत काल संजुत्तो ॥ ८२१ ।। काल दव्व ससहावं, अन्तर गर्भओ परिनमै असंष्यं । परिनाम अनंतानन्तु, निस्चै विवहार काल ससहावं ।। ८२२ ॥ अवयास दान सुद्धो, सुद्धं अवयास दिस्टि नंत दसतो । न्यानं अनंत रूवं, चरनं सुद्ध चेयना अवयासो ॥ ८२३ ।। दव्व भाव उवएस, दव्व सहाव सरूव पिच्छंतो । अप्पा अप्प सरूवं, दव्व सहाव जीव संसुद्धो ॥ ८२४ ।। काया काय प्रमानो, जीवास्तिकाय जिनवरे उवएसो । चौविहि बंध विमुक्को, जीओ तियलोयमंत सुपएसो ॥ ८२५ ।। नंत चतुस्टय सहिओ, नंतानंत सुद्ध दिस्टि दसतो । पर भाव मुक्क समओ, न्यान संजुत्त काय उवएसो ॥ ८२६ ॥ अजीव काय भनियं, इन्द्री बल प्रान अतीन्द्रिया जुत्तो । सहकारे इन्द्रिय उत्तो, अतीन्द्रि सहाव अजीव काय संजुत्तो ॥ ८२७ ॥ धम्मास्ति धम्म संजुत्तो, चेयन परिनाम सरूव सहकारो । चेयन सुद्ध सहाओ, संजुत्तो धम्मास्तिकाय विमलोय ॥ ८२८ ॥
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |