Page Text
________________
EUW
श्री ज्यान समुच्चय सार जी देव गुरुं नवि जानै, नहु धम्मं च सुद्ध चेयना सुद्धं । कुगुरुं कुदेव दिवं, कुधम्मं विकहा राग संबंध ॥ ७८५ ॥ अनृत अचेत सहियं, मिथ्या कुन्यान संजदो भावं । परिनै असुह सहावं, मन सहकारेन सयल संजुत्तं ।। ७८६ ॥ जीवो कम्म निबद्धं, आसव कम्मं विविह भावेन । आसव तत्तु समिद्धं, मन सहकारेन आसवो भनियं ॥ ७८७ ॥ जीवो अप्प सहावं, मन सुद्धं सुद्ध दिस्टि अप्पानं । मनु चेयनं सुभावं, बन्धै आसव सुहं असुहं च ॥ ७८८ ।। देव गुरू धम्म सुद्ध, अप्प सरूवं च निम्मलं विमलं । मिथ्या कुन्यान विरयं, बंध तत्त्वं च चेयना भावं ॥ ७८९ ।। चिंतइ अप्प सहावं, दंसन न्यानेन सुद्ध चरनानं ।
अप्पा परमप्पानं, संवर तत्त्वं च सुद्ध जानेहि ॥ ७९० ॥ पंच इन्द्री संवरनं, अतीन्द्रिय भाव सुद्ध परिनाम । मिथ्या विषय निरोधं, अप्पा न्यान दंसनं समग्गं ॥ ७९१ ।। निज्जरइ भाव सुद्धं, सुद्धं वर न्यान दंसन समग्गं । अप्पा परमप्पानं, सुद्ध सहावेन केवलं न्यानं ॥ ७९२ ॥ मोष्यं मुक्ति सुभावं, संसारे सरनि सयल विगतोयं । अप्पा अप्प सहावं, मोष्यं विमल न्यान झानत्थं ॥ ७९३ ॥ तत्तु सुभाव निरूपं, एको उद्देस किंचितं कहियं । न्यानं न्यान सरूवं, तत्त्व सरूवं च दंसनं ममलं ॥ ७९४ ॥ पदार्थं पद विंदं, जीव पदार्थ पद विंद संजुत्तं । उवं विंद संजुत्तं, न्यान मयं च दंसनं चरनं ॥ ७९५ ॥
श्री तारण तरण अध्यात्मवाणी जी अयर सुर विजनयं, पदार्थं सुद्ध न्यान निम्मलयं । अप्पा परमप्पानं, नंत चतुस्टय सरूव निम्मलयं ।। ७९६ ॥ न्यान सरूव सुभावं, अप्पा विमल निम्मलं सुद्धं । न्यानं न्यान सहावं, न्यान सहावेन पदार्थ सुद्धं ।। ७९७ ॥ अजीवं अचेतं, इन्द्री विषय राग दोस संजुत्तं । मन सुद्धं न्यान सहावं, अतीन्द्री विषय पदार्थ सुद्धं ॥ ७९८ ॥ आसवै पुन्य पावं, भावं असुहं च विविह कम्मानं । चेयन सुद्ध स उत्तं, पदार्थं तंपि पुन्य पावं च ॥ ७९९ ॥ पदार्थं पद विदंतो, सुद्ध सहावेन निम्मलं सरूवं । मिथ्या सल्य विमुक्क, संसारे सरनि बंध जानेहि ॥ ८०० ।। संवरन राय दोसं, मिथ्या संसार सरनि संवरनं । न्यान मई अप्पानं, झान सहावेन संवरं भनियं ॥ ८०१ ।। निज्जर पुन्य पावं, भावं असहं च विविह कम्मान । अप्प सहावं पिच्छदि, परमप्पा निज्जरं विमलं ॥ ८०२ ।। मोष्य पदार्थं सुद्धं, अविगत रूवेन विगत भावेन । अप्पा परमानंद, परमप्पा न्यान निम्मलं सुद्धं ॥ ८०३ ।। पदार्थं संसुद्धं, सुद्धं ससहाव चेयना सहियं । संसार विगत रूवं, न्यान सहावेन सुद्ध पद विंदं ॥ ८०४ ।। पदार्थं परमं धुवं, परमप्पा न्यान निम्मलं सरूवं । पदं पदार्थं सुद्धं, रागादि सयल दोस विवरीदो ॥ ८०५ ॥ पद सुद्धं मन सुद्धं, मनु अप्पा परमप्प सुद्ध निम्मलयं । पद विंदं ससहावं, न्यान सरूवं च लहइ निव्वानं ॥ ८०६ ॥
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |