Page Text
________________
श्री ज्यान समुच्चय सार जी सलिहई सयल विभावं, अप्पा अप्पेन चेयना सुद्धं । अप्पा परमप्पानं, निस्चय ठियं दंसनं सुद्धं ॥ ४९९ ।। बारह वय उवएस, धरंति भावे विसुद्ध सभावं । आसन्न भव्य पुरिसा, न्यान बलेन निव्वुए जंति ॥ ५०० ॥ तव बारह उवएसं, अप्प सहावं च दंसनं सुद्धं । चरनं चरित्तवंतं, साहति जे भव्य पुरिसस्या ॥ ५०१ ॥ वाहिज तव संसुद्धं, सुद्धं संमत्त सुद्ध ससहावं । सुद्धं दंसन न्यानं, सुद्धं चरनंपि सहाव तवयरनं ॥ ५०२ ॥ अनसन सयनं सुद्धं, मन वय कायेन सुद्ध तवयरनं । सयनं अप्प सहावं, परिनामं सुद्ध साधवा जुत्तं ॥ ५०३ ॥ अनसन अप्प सहावं, रागादि सयल दोस परिहरनं । मिथ्या कुन्यान सहावं, तिक्तंति सयन असुद्ध ससहावं ॥ ५०४ ।। अनसन अरूव रूवं, रूवातीतं च भाव चिंतंति । न्यान मई ससहावं, न्यान सहावेन अनसनं सुद्धं ॥ ५०५ ।। विरई संसार सुभावं, विरइ मिच्छात दोस परिनामं । रइयं सुद्ध सहावं, न्यान सहावेन अनसनं सुद्धं ॥ ५०६ ॥ न्यानेन न्यान सुद्धं, कुन्यानं तिजंति सव्वहा सव्वे । इन्द्री विषय विमुक्कं, न्यान सहावेन अनसनं ममलं ॥ ५०७ ।। अप्प सहावं निलयं, मम अप्पा निम्मलं च परमप्पा । संमिक् दंसन दर्स, आमोदर्ज सुद्धमप्पानं ॥ ५०८ ॥ संमिक् न्यानं जानदि, संमिक् चरनं चरंति भावेन । संमिक् परिनै सुद्धं, आमोदर्ज सुद्धमप्पानं ॥ ५०९ ॥
श्री तारण तरण अध्यात्मवाणी जी अनंत दर्सन दरसै, जानदि पिच्छेई न्यान ससहावं । तवयरनं संजुत्तं, आमोदर्ज न्यान सहकारं ॥ ५१० ।। वस्तु संष्य परमानं, वासं संसार तिक्त मोहंधं । मिच्छा तव वय विरयं, रागादि दोस विषय विरयंति ॥ ५११ ।। विरइ परिनाम असुद्धं, वासं विरयंमि न्यान सहकारं । जं चिय असुह परिनामं, विरइ परमाद न्यान सहकारं ॥ ५१२ ।। तवयरनं न्यान सहावं, उग्र तवयरन ऊर्ध सभावं । दिति सुदंसन सुद्धं, घोरानव संसार सरनि मुक्तस्य ॥ ५१३ ।। वासं तिक्त सुयं मे, न्यान बलेन तिक्त संसारे । दंसन न्यान सु समयं, न्यान बलेन सुद्ध तवयरनं ॥ ५१४ ।। अप्प सरूवं पिच्छदि, जानदि न्यानेन दव्व पजावं । न्यानेन न्यान सुद्धं, वासं तिक्तंति इत्थु संसारे ॥ ५१५ ।। रसियं मिथ्यात मइयं, रसियं संसार सरनि वासंमि । कुन्यानं रसियानं, न्यान सहावेन सयल तिक्तंति ॥ ५१६ ।। रसियंति मूढ भावं, मल पचीस रसिय सभावं । रसियं संसार वने, न्यान सहावेन सयल तिक्तंति ॥ ५१७ ।। विकहा वसन सहावं, आरति रौद्रस्य रसिय सभावं । परपंच विभ्रम रसियं, न्यान सहावेन सयल तिक्तंति ॥ ५१८ ।। सुद्धं रसिय सुन्यानं, दंसन वर न्यान सुद्ध तवयरनं । अप्पा परमप्पानं, न्यान सहावेन सुद्ध तवयरनं ॥ ५१९ ।। विविक्त आसन सेज्जा, पुग्गल जीवान विविक्तं सुद्धं । पुग्गल सरनि विमुक्कं, अप्पा अप्पेन दंसनं सुद्धं ॥ ५२० ।।
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |