Page Text
________________
श्री ज्यान समुच्चय सार जी दोषं रौद्र सहावं, हिंसानंदी अनित असत्य नंदीओ । अबंभ नंद नंदं, दोषं तिक्तंति न्यान सहकारं ॥ ४५५ ॥ हास्य विकहा सुभावं, रागादि मिथ्या कषाय संजुत्तं । हास्यानंद सुभावं, हास्यं तिक्तंति न्यान उवएसं ॥ ४५६ ॥ हास्यं अबंभ रूवं, रति संसार सरनि ठिदिकरनं । आरति दुर्बुहि रूवं, न्यान बलेन तिक्त सव्वानं ॥ ४५७ ॥ अस्त्री अस्तिति रूवं, पुंसह पूर्व सहकार मिच्छातं । नपुंसय गुनहीनं, न्यान सहावेन सयल तिक्तं च ॥ ४५८ ॥ कषायं उवएसं, चौगइ संसार सरनि संजुत्तं । जहं जहं कम्म सहावं, तह तहं कषाय रसिय मिच्छातं ॥ ४५९ ।। लोभं अनृत रूवं, अनृत असत्य सहित जो मिथ्या । तं लोभं नहु पिच्छदि, जं लोभं दुष कारणं सहियं ॥ ४६० ॥ लोभं पुन्य सहावं, असत्य सहित राइ जं मिथ्या । न्यान बिना वय धरनं, तं लोभं तिक्त न्यान सहकारं ॥ ४६१ ।। कोहं कोहाग्नि उत्तं, कोहं थावर त्रस अभाव संजुत्तं । कोहं कम्म उवन्नं, तिविहि कम्मान वर्धनं कोहं ॥ ४६२ ।। कोहं उवनं भावं, कोहं उत्पन्न मिच्छ सहकारं । कोहाग्नि अनृत रूवं, कोहं तिक्तंति न्यान सहकारं ॥ ४६३ ॥ मानं असत्य रूवं, व्रत तप क्रियं च गहिय सभावं । मानं च न्यान हीनं, मानं रागादि असुह तिक्तं च ॥ ४६४ ॥ मानं पुग्गल रूवं, गलंति पूरयंति सभावं । मानं अनृत रूवं, न्यान सहावेन मान तिक्तं च ॥ ४६५ ॥
श्री तारण तरण अध्यात्मवाणी जी माया अनृत रूवं, विषयं अहिलास माय उत्पन्न । माया बंधति सल्यं, माया मिथ्यात रूव सहकारं ॥ ४६६ ।। माया परिनाम बंधं, परिनामं असत्य अनृतं दिटुं । माया संसार मइओ, माया तिजंति न्यान सहकारं ॥ ४६७ ।। आभिंतर ग्रंथ स उत्तं, संसारे सरनि तिक्त मोहंधं । ग्रंथं चौगइ समयं, न्यान सहावेन सयल तिक्तंति ॥ ४६८ ॥ वाहिज भिंतर ग्रंथा, मुक्कं जे दट्ट कम्म संजुत्ता । तिक्तंति भव्य जनयं, न्यान सहावेन ग्रंथ विमुक्कं ।। ४६९ ।। ग्रहनं जिनवर वयनं, ग्रहनं च अप्प भाव संजुत्तं । ग्रहनं तिअर्थ भावं, जोयंतो जोय जुत्तेही ॥ ४७० ॥ ग्रहनं दंसन न्यानं, चरनं चारित्र ग्रहण दु भेयं । ग्रहनं न्यान सहावं, अप्पा सुद्धप्प न्यान सभावं ॥ ४७१ ॥ संमत्तं संग्रहनं, न्यानं पंचंमि भाव उवलब्धं । अप्पा परमप्पानं, न्यान सहावेन मुक्त संचरनं ॥ ४७२ ।। व्रत तव संजम ग्रहनं, तिअर्थं तीर्थंकरेन संसुद्धं । सुद्धं सुद्ध सहावं, सुद्धं झानम्मि झाय परमप्पा ॥ ४७३ ।। पिच्छदि अप्प सरूवं, पिच्छदि नंत दंसनं ममलं । न्यानं च न्यान ममलं, अप्पा परमप्प केवलं भावं ॥ ४७४ ।। महावयं व्रत ग्रहनं, न्यान मयी न्यान सुद्ध सभावं । न्यानेन न्यान सुद्धं, महावय सुद्ध धरंति साहूनं ॥ ४७५ ॥ अप्पं अप्प सहावं, अप्पा परमप्प झान संजुत्तं । चिंतंतो परमप्पयं, अहिंसओ महावयं हुंति ॥ ४७६ ।।
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |