Page Text
________________
श्री तारण तरण अध्यात्मवाणी जी
श्री ममल पाहुइ जी परम पय हो, परम सुभावह सहज सुभाए । अन्मोय जु हो, उपजिउ मिलियो परम सुभाए ॥ ५ ॥
|| दिपि दिस्टि. ॥ सो तत्तु जु हो, परम तत्तु जिन उत्तु सहाए । जिन जिनियो हो, कम्मुनि बंधउ न्यान सुभाए । चिदानंद जु हो, चेयन सहियो ममल सुभाए । जिन जिनियो हो, कम्मु जु स्वामी जिनय सुभाए ॥ ६ ॥
॥ दिपि दिस्टि.॥ जिन जिनवर हो, उत्तउ सहजे सुकिय सहाए । जिनि कम्मु जु हो, मर्म जु जिनियो परम सुभाए ॥ अन्मोय जु हो, उवनउ स्वामी ममल सहाये । जिन परम जिनेसुर हो, उत्तउ स्वामी मुक्ति सुभाये ॥ ७ ॥
॥ दिपि दिस्टि, ॥ जह कम्मु जु हो, उपजिउ नंतु अन्यान सहाए । जनरंजन हो, रागु जु उवनउ समल सुभाए ॥ पर पर्जय हो, दिस्टि जु सहियो अनिस्ट सहाए । सो न्यान अन्मोयह, विलियो स्वामी ममल सुभाए ॥ ८ ॥
॥ दिपि दिस्टि.॥ कलरंजन हो, कम्मु उपत्तिहि समल सहाए । मनरंजन हो, गारव सहियो राग सुभाए । जं कम्मु जु हो, नंतानंतु अनंतु भवाए । तं कम्मु जु हो, विलियो स्वामी अन्मोय सहाए ॥ ९ ॥
॥ दिपि दिस्टि.॥
जं दर्सन हो, मोहे अंधउ भमन सहाए । सो भमियो हो, आदि अनादि जु कम्म सहाए । अनेयह हो, विभ्रम सहियो पर्जय दिट्ठी । तं न्यान अन्मोयह, विलियो दर्सन दिट्ठी ॥ १० ॥
॥दिपि दिस्टि. ॥ तं न्यान आवर्न जु, सहियो कम्मु अनंतु । पर पर्जय हो, दिस्टि संजोए अनिस्ट सहाए । सो कम्मु जु हो, घाइ संउत्तो जिनवर इस्टी । सो कम्मु जु हो, विलियो स्वामी न्यान स दिट्ठी ॥ ११ ॥
॥दिपि दिस्टि. ॥ जह कम्मु जु हो, उपजिउ स्वामी अर्थ अनिट्ठी । सो न्यान अन्मोयह, विलियो ममल स दिट्ठी ॥ जो चष्य अचष्यह, उवनउ समल सहाए । सो न्यान अन्मोयह, विलियो ममल सुभाए ॥ १२ ॥
॥ दिपि दिस्टि.॥ जं अवहिहि हो, कम्मु स उत्तउ अनिस्ट सहाए । सो न्यान अन्मोयह, विलियो इस्ट सुभाए । जं गुहिज स दिस्टिहि, दिट्ठिउ कम्मु उपत्ती । सो न्यान अन्मोयह, विलियो दर्सन दिस्टि ॥ १३ ॥
॥दिपि दिस्टि. ॥ तं जह जह हो, कम्मु उनउ समल सहाए । सो न्यान अन्मोयह, विलियो ममल सुभाए ॥
(१५७)
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |