Page Text
________________
श्री उपदेश शुद्ध सार जी नु लष्यं उवलयं, चू चेतहि आसवेवि दवियप्पो । छेयंति विषय मलयं, जैवन्तो नंत दंसनं न्यानं ॥ ५७२ ॥ झोयं झान सहावं, झो ऊर्ध सहाव पर दव्व षिपनं च । टंकोत्कीर्न सहियं, ठिदिकरनं मुक्ति नंत कालम्मि ॥ ५७३ ॥ ठंकार भाव सुद्ध, टं नंतनंत दिस्टि दिस्टंतो । नो कम्म कम्म विलयं, धी ऊर्ध सहाव कम्म विपनं च ॥ ५७४ ।। जैवन्तो जैकारं, छेयं पर भाव पर्जाव गलियं च । चूरंति विषय रागं, नु क्रित उववन्न दंसनं चरनं ॥ ५७५ ।। धी ईर्ज भाव संजुत्तं, गिर उववन्न भाव लष्य उवलष्यं । षलु निस्चै च सहावं, कम्मं गलयंति केवलं सुद्धं ॥ ५७६ ।। षडी विसेषं उत्तं, लषिज्जइ लष्यनेहि संजुत्तं । सूषम सुभाव सुद्ध, कम्मं षिपिऊन सरनि संसारे ॥ ५७७ ॥ अप्प सहावं दिटुं, पर पज्जाव विषय विरयंति । मिच्छात राग विपनं, सूषम सभाव मुक्ति गमनं च ॥ ५७८ ॥ अन्यान भाव सहियं, कम उववन्न नंतनंताई । अनेय काल भ्रमनं, न्यान सभाव कम्म षिपनं च ॥ ५७९ ।। अन्यानं पज्जावं, सहियं उववन्न कम्म विविहं च । न्यान सहावं दिलु, कम्म गलियं च अंतर्मुहूर्तस्य ॥ ५८० ॥ अन्यान उत्त जुत्तं, कम्मं तव सहाव अनेयं च । न्यान बलेन मुनिवरा, पिन विलय कम्म तिविहं च ॥ ५८१ ॥ अन्यान परिनइ सहियं, परिनवइ कम्मान अनंत भावेहि । न्यान दिस्टि विलयंतो, जं रयनं तिमिर नासनं सहसा ॥ ५८२ ॥
श्री तारण तरण अध्यात्मवाणी जी अन्यानं समयेना, कम्मं उप्पत्ति नंत जमाई । न्यान समय उववन्नं, गलियं कम्मान तिविह जोएन ॥ ५८३ ॥ न्यानं दंसन सम्म, चरनं दुविहंपि सहाव तव जुत्तं । आराहन भत्तीओ, नंत चतुस्टं च मुक्ति गमनं च ॥ ५८४ ।। उवएस सुद्ध सहियं, सुद्धं अवयास ममल न्यानस्य । कम्म मल सुयं च विपनं, उवएसं सुद्ध मुक्ति गमनं च ॥ ५८५ ।। उवएसं जिन उत्तं, सम्मत्तं सुद्ध सहाव संजुत्तं । कम्मं तिविहि विमुक्कं, उवइटें परम जिनवरिंदेहि ॥ ५८६ ॥ उवएसं जिन वयनं, जिन सहकारेन न्यान मई सुद्धं । आनंदं परमानंद, परमप्पा विमल निव्वुए जंति ॥ ५८७ ।। भव्यजन बोहनत्थं, अत्थ परमत्थ सुद्ध बोधं च । जिन उत्तं स दिढं, किंचित् उवएस कहिय भावेन ॥ ५८८ ।। जिन उत्तं जिन वयनं, जिन सहकारेन उवएसनं तंपि । तं जिन तारन रइयं, कम्म षय मुक्ति कारनं सुद्धं ॥ ५८९ ।।
॥ इति श्री उपदेश शुद्ध सार नाम ग्रंथ जी...॥ ॥ आचार्य श्रीमद् जिन तारण तरण मंडलाचार्य विरचितं सम उत्पन्निता ।।
(१२१)
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |