Page Text
________________
श्री उपदेश शुद्ध सार जी देवं अनंत दिस्टी, इस्टी संजोय सहाव परमिस्टी । आनंदं परमानंद, दर्सन मोहंध असत्य देवं च ॥ १७६ ।। अनंत चतुस्टय सहियं, आचरनं चरन सयल सुइ रूवी । सहजानंद सुभावं, दर्सन मोहंध अदेव देवं च ॥ १७७ ।। देवं च सल्य रहियं, देवं परिनाम सयल सुइ रुवी । देवं च परम देव, दर्सन मोहंध अनिस्ट देवं च ॥ १७८ ॥ देवं अलष्य लष्यं, देवं संसार सरनि विगतोयं । मिथ्या राग विमुक्कं, दर्सन मोहंध मिथ्य देवं च ॥ १७९ ॥ दर्सन मोहंध सुभावं, अनित असत्य देव उत्तं च । आचरनं संसार मइओ, दर्सन मोहंध दुग्गए पत्तं ॥ १८० ॥ मोहंधं च सुभावं, कुदेवं देव सयल सहकारं । अदेवं अन्मोयं, दर्सन मोहंध निगोय वासम्मि ॥ १८१ ।। गुरुं च गुपित उवएसं, गुरुं च अप्प सुद्ध सभावं । दंसन न्यान पहानं, दर्सन मोहंध अगुरु गुरुवं च ॥ १८२ ।। गुरु उवएस स उत्तं, सूष्यम परिनाम कम्म संषिपनं । गुरुं च विमल सहावं, दर्सन मोहंध समल गुरुवं च ॥ १८३ ॥ गुरुं च मग उवएस, अमगं सयल भाव गलियं च । गुरुं च न्यान सहावं, दर्सन मोहंध अन्यान गुरुवं च ॥ १८४ ।। गुरुं च लोय पयासं, चेलं ससहाव ग्रंथ मुक्कं च । ममल सहावं सुद्धं, दर्सन मोहंध समल गुरुवं च ॥ १८५ ॥ गुरुं सहाव स उत्तं, रागं दोसं पि गारवं तिक्तं । न्यानमई उवएसं, दर्सन मोहंध राइ मय गुरुवं ॥ १८६ ॥
श्री तारण तरण अध्यात्मवाणी जी गुरुं च दर्सन मइओ, गुरुं च न्यान चरन संजुत्तो । मिथ्या सल्य विमुक्कं , दर्सन मोहंध सल्य गुरुवं च ॥ १८७ ।। दर्सन मोहंध अदर्स, गुरु अगुरुं च न्यान विन्यानं । गुरुं च गुनं नहु पिच्छं, अगुरुं अन्मोय दुग्गए पत्तं ॥ १८८ ॥ गुरुं च लष्य अलष्यं, अगुरुं संसार सरनि उक्तं च । गुन दोसं नवि जानइ, दर्सन मोहंध नरय वीयम्मि ॥ १८९ ।। गुरुं च षिपनिक रूवं, अगुरुं अभाव सयल उक्तं च । तस्य गुनं अन्मोयं, दर्सन मोहंध निगोय वासम्मि ॥ १९० ॥ श्रुतं च श्रुत उववन्नं, श्रुतं च न्यान दंसन समग्गं । श्रुतं च मग उवएस, दर्सन मोहंध कुश्रुत अन्मोयं ॥ १९१ ॥ श्रुतं च अष्यर मइओ, श्रुतं च सुर विंजनस्य पद सहियं । श्रुतं च जिनयति वयनं, दर्सन मोहंध विकह श्रुतं च ॥ १९२ ।। श्रुतं च षिपनिक रूवं, षिपिओ कम्मान तिविहि जोएन । विकहा विसन अश्रुतं, दर्सन मोहंध अश्रुतं पिच्छह ॥ १९३ ।। सास्वतय रूव संश्रुतं, अनित असत्य अश्रुतं जानेहि । श्रुतं जिन उत्त परं, दर्सन मोहंध अश्रुत परिनामं ॥ १९४ ।। श्रुत अश्रुतं न पिच्छदि, गुन दोसं नवि बुज्झए अंधं । अंधं अंध सहावं, दर्सन मोहंध निगोय वासम्मि ॥ १९५ ।। दर्सन अनंत दर्स, सूषम दर्सेइ कम्म विलयंति । दसति नंतनंतं, दर्सन मोहंध अदर्सनं दिढें ॥ १९६ ॥ दर्सन अरूव रूवं, दर्सन दर्सेइ मोष मग्गस्य । दर्सन ममल सहावं, दर्सन मोहंध समल दर्सति ॥ १९७ ।।
(१०३)
| SR No. | 009713 |
| Book Title | Adhyatma Vani |
| Original Sutra Author | N/A |
| Author | Taran Taran Jain Tirthkshetra Nisai |
| Publisher | Taran Taran Jain Tirthkshetra Nisai |
| Publication Year | |
| Total Pages | 469 |
| Language | Hindi |
| Classification | Book_Devnagari |
| File Size | 3 MB |