________________
रिसिदत्ताचरिए पढमं पव्वं ॥]
नर-तिरिय-देव-नारयभवसयसंघट्टभीसणदुरंत( ते)। संसारमहाजलहिम्मि नऽत्थि सरणं तुमं मोत्तुं" ॥४६॥ इय एवं पढिऊणं, नमिउं जिणपायपंकयं सिरसा । ईसाणाए दिसाए उवविट्ठो नाऽइदूरम्मि ॥४७॥ अह पत्थावं लहिउँ पुच्छइ वीरं पराए भत्तीए । का एसा रिसिदत्ता जा सुव्वइ आगमकहासु ॥४८॥ तो भणइ जिणवरिंदो सेणियरा[एण पु]च्छिओ संतो । भवियजणबोहणत्थं रिसिदत्ताए इमं चरियं ॥४९।। गंभीरसद्दमहुरघोसो स-देव-मणुयाऽसुराए परिसाए ।
भयवं चरमजिणिदो, एवं कहिउं समाढत्तो ॥५०॥ [कथासारः]
जह सा रण्णे जाया, जायमेत्ताए जह मुया माया । जणएण तावसेणं, वुढेि नीया जहा तत्थ ॥५१॥ जह जोव्वणसंपत्ता दिट्ठा हेमरहरायतणएणं । रुप्पिणिपरिण[य]णहेउं चलिएण रन्नमज्झम्मि ॥५२॥ जह कहियं नियचरियं, तावसथेरेण रायतणयस्स । तस्सेव य सा दिन्ना, मओ य जह तावसो रन्ने ॥५३॥ तेण वि जह परिणेउं आणीया नियपुरम्मि सा बाला । कम्मं जहा उइण्णं, जं रइयं अन्नजम्मम्मि ॥५४॥ जह सा हेमरहेणं 'कयाऽवराह'त्ति एव मुणिऊणं । माराविया म[साणे] पाणेहिं चंडपुरिसेहिं ॥५५।। जह सा पाणविमुक्का पुणो गया तत्थ रन्नमज्झम्मि । तावसवेसेण ठिया कणगरहेणं पुणो दिट्ठा ॥५६।। [ज]ह सा कणगरहेणं नीया कावेरिपवरनयरीए । जह तत्थ गया संता, पुणो वि महिलत्तणं पत्ता ॥५७।। पुव्वभवं सोऊणं, वेरग्गिया जह सयं बाला । कणगरहेणं सहिया, पव्वईया जह य सा तत्थ ॥५८॥
D:\amarata.pm513rd proof
