________________
रिसिदत्ताचरिए पढमं पव्वं ॥] [कथापीठिका]
जंबुद्दीवो दीवो अत्थि लक्खजोयणपमाणो ।
दीवाण मज्झवत्ती लवणसमुद्देण परिखित्तो ॥२१॥ सो य केरिसो
चक्कायारेण ठिओ सुमेरुमाईहिं सत्तहिं धहिं (?) । कुलपव्वएहिं जुत्तो महानईचउदसोवेओ ॥२२॥ तस्स य दाहिणे भागे भरहं नामेण अत्थि वरवासं । वेयड्ढपव्वयेणं तं चेव पुणो दुहा जायं ॥२३॥ तस्स य दाहिणद्धे मज्झिमखंडे गुणेहिं पसिद्धं । आरियखेत्तऽभिहाणं गंगा-सिंधूहि परिखित्तं ॥२४॥ एत्थम्मि चेव खंडे णाणाऽऽयर-नगर-गोउलसमेओ । उच्छुज(उच्छिय?)वंसालिकलिओ गोमहिसिजणाउलो रम्मो ॥२५।। मगहानामेण अत्थि ह देसो जयम्मि सुपसिद्धो । लोयाणं हिययइट्ठो सरिसो सो देवलोगेणं ॥२६।। तम्मि य वरम्मि देसे अत्थि पुरं देवरायपुरसरिसं । मणि-रयण-कंचणमयं [य] पायारवरेण परिचरियं ॥२७।। रायगिहं नामेणं विक्खायं एत्थ भरहवासम्मि । उज्जाण-वावि-दीहिय-देउल-भवणेहिं कयसोहं ॥२८॥ तम्मि य वरम्मि नयरे राया अरिकुंजराण पडिवक्खो । अत्थि जए सुपसिद्धे सेणियनामो त्ति नामेण ॥२९॥ जीवाऽजीवे पुण्णं पावाऽऽसव-संवरणे य निज्जरणे । बंधे मोक्खे य तहा सो जाणइ जिणवरमएणं ॥३०॥ साहूण दाणनिरओ जिणपूयामहिमकरणसुजुत्तो । साहम्मियवच्छलओ खाइयसम्मत्तसंजुत्तो ॥३१।। सो भुजंतो भोए गमेइ कालं तहिं वरपुरम्मि । देवो व्व देवलोए गयं पि कालं न याणेइ[ई] ॥३२॥
15
20
25
D:\amarata.pm5\3rd proof
