________________
परिशिष्टम्
[१] सिरिधम्मसेणगणिमहत्तरविरइअवसुदेवहिण्डिमज्झिमखण्डे
इसिदत्ताकहा ॥
एवमहं तत्थ पउरपरिभोगो दइदाजणमज्झगदो जधासुहं अभिरमामि ।
अण्णदा य हेमदाढेण रण्णा भणिदो भरद्दाओ-ताद ! विसज्जेध अज्जपुत्तं, वच्चदु संतेउरो अम्हेहि सह कणगचूलं णगरं ति । तेण भणिदं-ण ताव हं एवं विसज्जेमि । अच्छदु इधेव किंचि कालं ति । तेण भणिदं-तात ! किं अस्थि किंचि कारणं ? ति । रिसिणा भणिदो-अस्थि कारणं । सुणाहि, वेदड्डदाहिणसेढीए अत्थि सुभि णाम जणवदो । तत्थ णगरं तादपुरं णाम । राया य रिसभकुले देवरिसभो णाम । सो य मम बालवयंसो परमपीदिकलिदो य । तस्स य माणसवेगेणं महासिहरेणं य खयरराइणा सद्धि चिरकालियं वेरं। तस्स य देवरिसभस्स रणो मंदाकिणी णाम देवी । तीय अत्तिया कण्णगारूवेण सुरच्छरा णाम । तं च माणसवेगो वेरसंधीणिमित्तं मग्गदि । ण य से देवरिसभो राया पयच्छदि । बीभेदि पुण तस्स । किं पुण ण देति कण्णं ? । तस्स किर मंदरेणं चारणसमणेणं वरकज्जे पुच्छिज्जंतेणं मम जामादा जामादुगो णिहिट्टो । भणिदो य किर तेण भगवता जधा-'तस्स पभा [वे ]ण तुमं माणसवेगं महासिहरं च जिणीहिसि । तेण य देवरिसभेणं ममं संदिटुं जधा, "तुब्भस्स जामादुगस्स पेच्छओ आगच्छीहं' ति । एदेण कारणेणं एवं तुह भगिणीपदि ण ताव विसज्जयामि । अच्छदु इधेव, तुब्भे [पु] ण वच्छध त्ति ।
एवं रिसिणा कधिदे सणगरं गदो सपरिवारो राया हेमदाढो । अहमवि पियाहिं सहिदो खयरलोगोवणीदपरिभोगो जधासुहं परिवसामि । एवं गदाणि मे काणि वि दिणाई । ण य आगच्छदि देवरिसभो राया । ___ अण्णदा य तम्मि आसमपदे सहसा दे (? चे )व अदिमहंतो तावसजणस्स कलकलो जादो । बेंति य परिभीदगग्गरस्सणा वणरिसिणो-एस भो ! ए (? प) एसउप्पादभूदो महाविगरालो महाकायो महाभयकरो य अस्सुतरूवो अदिट्ठपुव्वो य को वि महारक्खसो
D:\chandan/new/datta-p/pm5\2nd proof
