________________
ऋषिदत्ताचरित्रे चतुर्थोल्लासः ॥]
[२२३ "जम्मं दुक्खं जरा दुक्खं, रोगा य मरणाणि य ।
अहो दुक्खो हु संसारो, जत्थ कीसंति जंतुणो( जंतवो)" ॥१६२॥[उत्त./१९-१६] "खि( खे)त्तं वत्थं( त्थु ) हिरण्णं च, पुत्त-दारं च बंधवा ।
चइत्ताण इमं देहं, गंतव्वमवस्सं मे" ॥१६३॥ [ उत्त./१९-१७] "जहा किंपागफलाणं, परिणामो न सुंदरो।
एवं भुत्ताण भोगाणं, परिणामो न सुंदरो" ॥१६४॥ [ उत्त./१९-१८] "अद्धाणं जो महंतं तु, अपाहेओ( ज्जो) पवज्जइ । गच्छंते से दुही होइ, छुहा-तन्हाइ पीडिए" ॥१६५॥ [ उत्त./१९-१९] "एवं धम्मं अकाऊणं, जो गच्छइ परं भवं ।
गच्छंते से दुही होइ, वाही-रोगेहिं पीडिए" ॥१६६॥ [ उत्त./१९-२०] "अद्धाणं जो महंतं तु, सपाहेओ( ज्जो) पवज्जइ ।
गच्छंते से सुही होइ, छुहा-तन्हाविवज्जिए" ॥१६७॥ [ उत्त./१९-२१] "एवं धम्मं पि काऊणं, जो गच्छइ परं भवं । गच्छंते से सुही होइ, अप्पकम्मे अवेयणे" ॥१६८॥ [ उत्त./१९-२२] "जहा गेहे पलित्तम्मि, तस्स गेहस्स जो पहू।
सारं भंडाणि नीएइ, असारं अवउज्झई" ॥१६९॥ [ उत्त./१९-२३] "एवं लोए पलित्तम्मि, जराए मरणेण य ।
अप्पाणं तारइस्सामि, तुब्भेहिं अणुमन्निया" ॥१७०॥ [ उत्त./१९-२४] माता-पितरौ प्राहतुः"तं बिंतिऽम्मा-पियरो, सामन्नं पुत्ति ! दुच्चरं ।
गुणाणं तु सहस्साणि, धारेयव्वाइं भिक्खुणो" ॥१७१॥[उत्त./१९-२५] "सुहोइया तुमं पुत्ति !, सुकुमाले सुमज्जिया। न ह( हु )सी पभू तुमं पुत्ति !, सामन्नमणुपालिया" ॥१७२॥ [ उत्त./१९-३५] "जावज्जीवमविस्सामो, गुणाणं तु महब्भरो ।
गरुओ लोहभारो व्व, जो पुत्ति होइ दुव्वहे" ॥१७३॥ [ उत्त./१९-३६] 25 "आगासे गंगसोअ व्व, पडिसोय व्व दुत्तरो । बाहाहिं सागरो चेव, तरियव्वो गुणोदही" ॥१७४॥ [ उत्त./१९-३७]
D:\amarata.pm5\3rd proof
