Page Text
________________
ऋषिदत्ताचरित्रे चतुर्थोल्लासः ॥]
[२११ उत्तारेंति उत्तारेत्ता जहिं जहिं च णं ते आसा आसयंति वा सयंति वा चिटुंति वा विसीयंत्ति वा तुयटॅति वा । तहिं तहिं च णं ते कोडुंबियपुरिया ताओ वीणाओ य जाव विचित्तवीणाओ य अण्णाणि य बहूणि सोइंदियपाउग्गाणि य दव्वाणि समुदीरेमाणा ठावेंति (चिटुंति) । तेसिं च परिपेरंतेणं पासए ठविंति [ठवित्ता] णिच्चला णिप्फंदा तुसिणीया चिटुंति ।
जत्थ जत्थ ते आसा आसयंति वा सयति वा चिटुंति वा तुयटृति वा तत्थ तत्थ णं ते कोडुंबिया बहूणि किण्हाणि य जाव सुक्किलाणि य, कट्ठकम्माणि य जाव संघाइमाणि य अन्नाणि य बहूणि चक्खिदियपाउग्गाणि दव्वाणि, तेसिं परिपेरंतेणं पासए ठावंति, ठावित्ता ते णिच्चला णिप्फंदा जाव तुसिणीया चिटुंति । जत्थ जत्थ ते आसा आसयंति वा, सयंति वा, निसीयंति वा, तुयटृति वा, तत्थ तत्थ कोडुंबिय 10 पुरिसा जाव कुट्ठपुडाण अण्णेसिं घाणिंदियपाउग्गाणं दव्वाणं पुंजे य णियरे य करेंति करेंत्ता, तेसिं परिपेरंतेणं जाव चिटुंति । जत्थ जत्थ णं ते आसा आसयंति वा सयंति वा, निसीयंति वा, तुयटुंति वा तत्थ गुलस्स जाव अण्णेसिं च बहूणं जिभिदियपाउग्गाणं दव्वाणं पुंजे य नियरे य करेंति करित्ता वियरए खणंति, खणित्ता गुलपाणगस्स खंडस्स पोरपाणगस्स अण्णेसिं बहूणं पाणगाण वियरए भरेंति भरित्ता 15 तेसिं परिपेरंतेणं पासए उएवेंति ठवेत्ता णिच्चला णिफंदा तुसिणीया चिटुंति। जहिं जहिं च णं ते आसा तहिं तहिं च ते बहवे कोयवया जाव सिलावट्टया अण्णाणि य फासिंदियपाउग्गाणि अत्थुय-पच्चत्थुयाइं ठवेंति, ठवित्ता तेसिं परिपेरंतेणं जाव चिट्ठति । तए णं ते आसा जेणे व [ते ] उक्किट्ठा ते सद्द-फरिस-रस-रूव-गंधा, तेणे व उवागच्छंति, उवागच्छित्ता, तत्थ णं अत्थेगइया आसा अपुव्वा णं इमे सद्द-फरिस- 20 रस-रूव-गंध त्ति कट्ट तेसु उक्किट्ठेसु सद्द-जाव गंधेसु अमुच्छिया अगढिया अगिद्धा अणज्झोववण्णा तेसिं उक्किट्ठाणं सद्द-जाव गंधाणं दूरंदूरेणं अवक्कमंति । ते णं तत्थ पउरगोचरा पउरतणपाणिया णिब्भया णिरुव्विग्गा सुहंसुहेणं विहरंति । एवामेव समणाउसो ! जो अहं णिग्गंथो वा णिग्गंथी वा सद्द-फरिस-रस-रूव-गंधेसु णो सज्जइ । से णं इहलोए चेव बहूणं समणाणं बहूणं समणीणं बहूणं सावयाणं बहूणं 25 सावियाणं अच्चणिज्जे पूयणिज्जे जाव वीइवइस्संति ।
D:\amarata.pm5\3rd proof
| SR No. | 009695 |
| Book Title | Rushidatta Charitra Sangraha |
| Original Sutra Author | N/A |
| Author | Chandanbalashreeji |
| Publisher | Bhadrankar Prakashan |
| Publication Year | 2011 |
| Total Pages | 436 |
| Language | Sanskrit |
| Classification | Book_Devnagari & Literature |
| File Size | 2 MB |