________________
[९९
रिसिदत्ताचरिए पंचमं पव्वं ॥]
ता खविय घाइकम्मं सुक्कज्झाणम्मि वट्टमाणाणं । लोयालोयपयासं दोण्हं वि नाणं समुप्पण्णं ॥६३।। नाऊणं अवहीए समागया तत्थ तक्खणं देवा । हिटेहिं तओ तेहिं केवलिमहिमा कया सिग्धं ॥६४॥ पारद्धा य भगवया कणगरहेणं ति देसणा तत्थ । पडिबुद्धो बहुलोओ, सुणिउं संसारकुडिलत्तं ॥६५।। केवलिपज्जायं पालिऊण खविऊण सेसकम्माइं । बोंदि चइउं पत्तो कणगरहो मोक्खसोक्खं ति ॥६६।। अह ते देवनिकाया, गंतुं रिसिदत्ताकेवलिसमीवे । आढवहिं तत्थ हिट्ठा, केवलिमहिमं पयत्तेणं ॥६७॥ काऊणं ते महिमं हिट्ठ-तुट्ठा मुणंति ते धम्मं ।
नयरजणेणं सहिया, रिसिदत्ताए सयासम्मि ॥६८॥ जह- "जीवा संसारे भमंति दुट्ठ-ऽट्टकम्मपडि बद्धाए ?) पडिबद्धा ।
नारय-तिरिए देवत्तणेण तह माणुसगईए ॥६९॥ तं पुण कम्मं निसुणह, अट्ठविहं जं जिणेहिं पण्णत्तं । तह चेव समासेणं, अणुग्गहत्थं अहं वोच्छं ॥७०॥ नाणस्स दंसणस्स य, आवरणं, वेयणीय-मोहणीयं । आउयं नामं गोत्तं, अट्ठमं य अंतराय' त्ति ॥७१॥ मइ-सुय तह अवहीण, मणपज्जव तह य केवलावरणं । पंचविहं नायव्वं, नाणावरणं ति इह कम्मं ॥७२॥ दिट्ठीए आवरणं, सेसिदिय अवहि-केवलाणं च । पणगं चउक्कदंसणवरणं भवे नवविहंमि ॥७३॥ निद्दा निद्दानिद्दा पयला पयलपयलाओ। थीणद्धिपंचमि( मी) य, सुहमसुहं होइ वेयणीयं ॥७४॥
D:\amarata.pm5\3rd proof
