Page Text
________________
रिसिदत्ताचरिए पढमं पव्वं ॥ ]
[ २७
निवेण वि तहट्ठिएण पणामं काऊण भणियं कुलदेवयाए 'गिण्हसु मम सिरं, पुत्तं मे पयच्छसु'त्ति । तओ ईसि विहसिऊण भणियं कुलदेवयाए - किं तव संतिओ को वि मह पुत्तो गहिओ आसि । जेण इण्हि मग्गसि' त्ति, तओ तेण वि सहासं साइमं भणिया-चक्कीसर-वासुदेव - मंडलियाईण घरेसु निवसिऊणं, किं भगवइ ! एक्को वि पुत्तो न जणिओ, जो इण्हि मम पसाएण दिज्जइ'त्ति । तीए वि हसिऊण भणियंसमत्थो तुमं, न [ हो ]सि उत्तरेहिं निवारिडं । ता भविस्सइ ते पुत्तो । 'इइ भणिऊण अद्दंसणं गया देवया । सो वि 'पसाउ'त्ति भणिउं गओ निययाऽऽवासं । पहायसम य दिट्ठो तीए पियदंसणाए सुविणओ,' जहा किल सीहकिसोरो मुहेण मम उयरे पविट्ठो,' विउद्धा य सा मंगलतूररवेणं । कहिओ य हरिसेणस्स, तेण वसा भणिया—जहा ते पुत्तो भविस्सइ, मम कुलदेवयादिन्नो 'त्ति । कहिओ कुलदेवया - 10 संतिओ वृत्तंतो । सावि पियदंसणा तद्दिवसपभिइ काऊण आपंडुरकवोला संजाया, नवण्हं मासाणं साइरेगाणं, सुहंसुहेणं पसूया दारयं । कयं वद्धावणाइयं उचियकरणिज्जं । तओ मासमेत्ते गए दिवसाणं 'अजियसेणो' त्ति नामं कयं । बालगस्सा (स्स) एवं वच्चइ कालो
[ अश्वेन हरिषेणस्यापहरणम् ]
अन्नम्मि दिणे सो राया आसवाहणियाए निग्गओ, तओ वि सो विवरीयरंगमेणं तद्दिवसहिणं अवहरिऊण इहेव रण्णे उवणीओ, उत्तरिओ य वडपायवे लग्गिऊण तुरंगमाओ । दिट्टं च तेण इमं सरवरं, ताओ मज्जिऊण इमम्मि सरवरे, संपत्तो इमम्मि आसमययम्मि ।
5
D:\amarata.pm5\3rd proof
15
[ विश्वभूतिमुनिदर्शनम् ]
I
दिट्ठो य तेण—जोगासणारूढो, बहुसीसगणपरियरिओ, धम्मो व्व मुत्तिमंतो, तव - नियमभूसियदेहो, गुरुजडाकलावधारी, विस्सभूइनामं महामुणि' त्ति । कओ य तेण तस्स पणामो'त्ति । तेण वि दिण्णो आसीओ, उवविट्ठो तस्स पायमूले। पुच्छिओ रिसिणा पउत्तिं, तेण वि जहट्ठिया चेव सव्वा परिकहिया । तओ आढत्ता मुणिणा धम्मदेसणा । बुद्धो य सो । एयम्मि अवसरे तं पत्तं तस्स संतियं सेण्णं 'ति । तओ सो एयम्मि 25 आसमयए, पज्जुवासमाणो तं रिसिवरं, ठिओ मासमेगं, काराविया य तेण इमा देउलिया । तओ गओ निययदेसं, कुलवइणा य दिण्णो गच्छमाणस्स विसापहारीमहामंतो । ओ निययपुरिं राया, पालइ रज्जं, पसिद्धो य 'विसापहारि 'त्ति नामेणं ।
20
| SR No. | 009695 |
| Book Title | Rushidatta Charitra Sangraha |
| Original Sutra Author | N/A |
| Author | Chandanbalashreeji |
| Publisher | Bhadrankar Prakashan |
| Publication Year | 2011 |
| Total Pages | 436 |
| Language | Sanskrit |
| Classification | Book_Devnagari & Literature |
| File Size | 2 MB |