________________
त्रिषष्टिशलाकापुरुषचरिते
॥३३॥
षष्ठं पर्व द्वितीयः सर्गः श्रीअरनाथजिनचरितम् ।
साख्यत्सिहलवास्तव्यो गौरोऽखिलकलानिधिः । बुद्धदासाभिधानश्च भर्ता रूपस्मरो मम ॥३०९ ॥ प्रियदर्शनयाथोचे संवदत्येव मे पतिः । न तु सिंहलवासित्वं बुद्धदासाभिधा न च ।। ३१० ॥ ऊचे चानङ्गसुन्दर्या वर्णः सिंहलवासिता । बुद्धदासाभिधा चेति विसंर्वदति मत्पतेः ।।३११ ॥ भगिन्य इव तिस्रोऽपि तपःस्वाध्यायतत्पराः । पुंवार्तामप्यकुर्वन्त्यः सन्ति तास्तत्प्रतिश्रये ॥ ३१२ ॥ तिस्रोऽपि प्रेयसीस्तत्र स मायावामनोऽन्वहम् । निरीक्षते मोदते च तासां शीलेन हारिणा ॥३१३ ॥ अन्यदेशानचन्द्रस्य राज्ञः पर्षद्यभूत्कथा । पुरे यदस्मिन्नार्यायाः सुव्रतायाः प्रतिश्रये ॥३१४ ।। रूपवत्यो युवतयस्तिस्रः सन्ति महात्मिकाः । तस्यास्त्रीणीव रत्नानि धात्रीपावित्र्यकारणम् ॥३१५ ॥ सतीमतल्लिकास्ताश्च सतीः पथि कुलोचिते । न हि कश्चिदलंभूष्णुरपि भाषयितुं पुमान् ।। ३१६ ॥ स मायावामनोऽथोचे भाषयिष्याम्यहं क्रमात् । मम पश्यत सामर्थ्य कर्मण्यत्रापि दुष्करे ॥३१७ ॥ प्रधानै राजपुरुषैर्वृतः कतिपयैरपि । पौरेरन्वीयमानोऽगात् स गणिन्याः प्रतिश्रयम् ।। ३१८ ॥ स्थित्वा प्रतिश्रयद्वारे सोऽशात् सहचरानिति । प्रष्टव्यं तत्र युष्माभिः कथां कथय कामपि ।।३१९ ।। स विविक्तपरीवारः प्राविशत्तं प्रतिश्रयम् । ववन्दे सुव्रतामन्या वतिनीश्चामलव्रताः ।। ३२० ॥ निर्गत्योपाविशद् द्वारमण्डपे कूटवामनः । तिम्रोऽप्येयुः सवतिन्यस्तास्तद्दर्शनकौतुकात् ।। ३२१ ॥ अथोचे वामनो यावद्राज्ञो नावसरं किल । स्थास्यामस्तावदत्रैव विनोदाक्षिप्तचेतसः ।। ३२२ ॥ १ रूपेण कामदेवः । २ एतावद्भिन्नत्वमन्यत्सर्वं कलादिकं समानमित्यर्थः । ३ मायया वामनरूपधर इत्यर्थः । ४ पतिव्रतासु मतल्लिकाः श्रेष्ठाः । ५ वर्तमानाः । ६ उपादिशत् । ७ अल्पपरिवारः ।
वीरभद्रवृत्तान्तः ।
॥३३॥
