________________
त्रिषष्टि
शलाका
पुरुषचरिते
॥ १७३ ॥
C D G D G D G REDEREREREDERERERERE
इत्युक्तः प्रतिहारेण स द्विजः साश्रुलोचनः । नीहारकणिकाकीर्णसरोरुह इव ह्रदः ॥ ७१ ॥ प्रम्लानवदनेन्दुश्च, निशीथ इव हैमनः । अच्छभल्ल इवातुच्छप्रविकीर्णशिरोरुहः ॥ ७२ ॥ जरत्प्लवङ्गम इव, परिक्षामकपोलकः । मन्दमन्दपदन्यासं प्राविशच्चक्रिणः सदः ॥ ७३ ॥ ॥ त्रिभिर्विशेषकम् ॥ स्वयं कृपालुना सोऽथ, चक्रिणैवमपृच्छ्यत । कच्चित् ते काञ्चनं किञ्चिज्जहे कुत्राऽपि केनचित् ? ॥ ७४ ॥ किं वा रत्नानि केनापि हृतानि वसनानि वा ? । किं वाऽपालापि केनाऽपि, न्यासो विश्वस्तेघातिना ? ॥७५॥ ग्रामारक्षादिना किं वा, केनाऽप्यसि कदर्थितः ? । भाण्डसर्वस्वहरणात्, पीडितः शौल्किकेन वा? ॥ ७६ ॥ दायादेनाऽथ केनापि, प्रापितोऽसि पराभवम् ? । उपदुद्राव कोऽपि त्वां जायाविद्रवणेन वा ? ॥ ७७ ॥ बलवानथवा वैरी, त्वामास्कन्दति कश्चन ? । आधिर्वा बाधते कोऽपि त्वां ? व्याधिरथवोत्कटः ? ॥ ७८ ॥ द्विजातिजातिसुलभं, दारिद्र्यं त्वां दुनोति वा? । अन्यद्वा दुःखकृद् यत् ते, तदाख्याहि महाद्विज ! ॥ ७९ ॥ सद्यो नट इवाऽलीकं, मुञ्चन्न श्रान्तमश्रु सः । ब्राह्मणो व्याजहारैवं, राजानं रचिताञ्जलिः ॥ ८० ॥ द्यौरिवाऽमरराजेन, न्याय - विक्रमराजिना । त्वया राजन्वती राजन्!, षट्खण्डभरतावनिः ॥ ८१ ॥ नाऽऽच्छिन् कस्यचित् कोऽपि, स्वर्ण-रत्नादि किञ्चन । आढ्याः स्वगृहवद् ग्रामान्तरालेऽपि हि शेरते ॥८२॥ न्यासं नाऽपह्नुते कोऽपि, निजं कुलमिवोत्तमम् । स्वपुत्रमिव रक्षन्ति, ग्रामारक्षादयः प्रजाम् ॥ ८३ ॥ | अर्थे लभ्येऽतिरिक्तेऽपि, शुल्कं भाण्डानुमानतः । गृह्णन्ति शौल्किका दण्डमिव मन्तुप्रमाणतः ॥ ८४ ॥
१ हेमन्ततौं रात्रिरिव । २ यथा विशीर्णकेशः भल्लूको भवति तादृश: । ३ सभाम् । ४ अपह्नुतः । ५ विश्वासघातिना । ६ शुल्काध्यक्षेण । ७ जायाया अपहारेण । ८ नापहरति । ९ यथापराधम् ।
FREREREREREREREREREDERERERI
द्वितीयं पर्व
षष्ठः सर्गः
अजित
सगर
चरितम् ।
अपरिचितेन द्विजेन स्वपुत्रमरणमिषेण सगरस्य बोधनम् ।
॥ १७३ ॥
