________________
१५८
श्रीसिद्धहेमचन्द्रशब्दानुशासनम्
संख्यार्थात् तदस्य मानमिति विषये स्तोमेऽर्थे 'डट्' स्यात् । विंशः
स्तोमः ॥१७६॥
तमर्हति |६|४|१७७॥
तमिति - द्वितीयान्तादर्हदर्थे 'यथोक्तं प्रत्ययः' स्यात् । वैषिकः, साहस्रः || दण्डादेर्यः | ६ |४|१७८ ॥
एभ्यो द्वितीयान्तेभ्योऽर्हदर्थे 'यः' स्यात् । दण्ड्यः, अर्ध्यः ॥१७८॥ यज्ञादियः | ६|४|१७९ ॥
द्वितीयान्ताद् यज्ञादर्हति 'इयः' स्यात् । यज्ञियो देशः || १७९ || पात्रात् तौ |६|४|१८० ॥
द्वितीयान्तात् पात्राद् अर्हति 'येयौ' स्याताम् । पात्र्यः पात्रियः ॥१८०॥ दक्षिणा - कडङ्गर - स्थालीबिलादीय-यौ |६|४|१८१ ॥
एभ्यो द्वितीयान्तेभ्योऽर्हत्यर्थे 'ईययौ' स्याताम् । दक्षिणीयो, दक्षिण्यो गुरुः; कडङ्गरीयः, कडङ्गर्यो गौः; स्थालीबिलीयाः, स्थालीबिल्यास्तण्डुलाः ||१८१ ॥ छेदादेर्नित्यम् |६|४|१८२ ॥
अस्माद् द्वितीयान्तान्नित्यमर्हति 'यथोक्तं प्रत्ययः' स्यात् । छेदिकः, भैदिकः ॥१८२॥ विरागाद् विरच | ६|४|१८३ ॥
अस्माद् द्वितीयान्तान्नित्यमर्हति 'यथोक्तं प्रत्ययः स्यात्, तद्योगे चास्य 'विरङ्गः' । वैरङ्गिकः ||१८३||
शीर्षच्छेदाद् यो वा | ६ |४|१८४ ॥
अस्माद् द्वितीयान्तान्नित्यमर्हति 'यो वा' स्यात् । शीर्षच्छेद्यः, शैर्षच्छेदिकःश्चौरः ||१८४॥
शालीन - कौपीना - ऽऽर्त्विजीनम् | ६ |४|१८५ ॥
