________________
10
१८]
[सविवरणं धर्मोपदेशमालाप्रकरणम् संपुन्नमियंकसंकासएहिं कवोलवत्तुल्लएहिं, बिंबफलसंनिभेणमहरुल्लएणं, कुंदकुसुमपंडरेहिं दसणुल्लएहिं, तिवलीतरंगियाए कंबुसरिसाए गीवुल्लियाए, वियसियसयवत्तपडिमएणं वयणुल्लएणं, ईसिपलंबिरेहि कन्नोल्लएहिं, कोमलमुणालसारिक्खएणं बाहाजुवलुल्लएणं, मंगलकलसोवमेहिं थणहरुल्लएहिं, णिरवज्जवज्जसंकासएणं मज्झदेसुल्लएणं, तियसणइपुलिणवेत्थिल्लएणं जहणुल्लएणं, कयलीदंडोवमेणमूरुजुवलुल्लएणं, णिव्वणघणमसिणणं जंघियाजुवलुल्लएणं, कुम्मुण्णएहिं चलणुल्लएहिं विदुमपभायविरेहणखुल्लएहिं । अवि य
जा तारतरलपम्हलदीहरत्तंतकसिणधवले हिं । णियणयणेहिं विरायइ धयवडसरिसेहिं लच्छि व्व ।। णेव्वत्तिऊण रूवं कह वि तुलग्गेण जीए देव्वो वि ।
मयणाउरो वियंभइ को किर तं वण्णिउं तरइ ? ।। तत्तो गंतूण भणिओ भोअगवंसतिलओउग्गसेस रे दो हशिा-'पावेराइमई णेमियो घरिणीसदं' । तेण भणियं-'मणोरहाइरित्तो परमाणुग्गहो एस अम्हाण, जेण माणुसमेत्ताए वि वच्छाए पाविओ समत्थतेलोक्कचूडामणी वरो' ।
"यच्चाशिषोऽप्यविषयस्थितमपथे यन्मनोरथस्यापि ।
तदनेकाश्चर्यनिधे( धि)विदधाति विधे( धि)सुखेनैव"[ ] कारावियं दोसु वि कुलेसु महावद्धावणयं । अन्नदियहम्मि णिरूवाविओ वारेज्जयमहूसवो । ततो णेव्वत्तिएसु तयणुरूवेसु भक्खपेयवत्थालङ्काराइएसु कायव्वेसु,
कमेण मणोरहमओ विव, अमयरसणिम्मिओ विव, परमाणंदकओ विव पत्तो 20 वारेज्जवासरो । जहाविहिणा य पमक्खियारायमइत्ति । अवि य
दहिअक्खग(य)दुव्वंकुरवावडहत्थाहिं पइसणाहाहिं । विहिणा पमक्खिया सा रत्तंसुयभूसणधरीहिं । पुप्फफलोदयभरिएहिं णियथणेहिं व कणयकलसेहिं । जुवईहि पहाविया खलु पउमिणियापुन्नपत्तेणं ।।
१. ज.रत्तं मकं ।
D:\mala.pm5\2nd proof
