________________
२८६]
[सविवरणं धर्मोपदेशमालाप्रकरणम् तेण समीवेण गंतुं पयत्तो । दट्ठण तं, मोत्तूण सत्थं पहाविओ मुणिणोऽभिमुहं । तत्थ वि मारिओ संतो वाणारसीए दियसुओ जाओ। जाओ अट्ठवारिसिओ। दट्टण य तं रिसिं अण्णडिंभेहिं सह धूलिलेट्टमाइएहिं उवसग्गं काउमाढत्तो । नियत्तेसु वि डिभेसु जाहे न
सो चिट्ठइ, तओ छारीकओ समाणो उप्पण्णो तत्थेव राया। सुमरिया पुव्वभवा । तओ 5 समुप्पण्णभएण मुणिणो जाणणत्थं अवलंबिया एसा पण्हा
"गंगाए नाविओ नंदो, सभाए घरकोइलो । हंसो मयंगतीराए, सीहो अंजणपव्वए ॥
वाणारसीए बडुओ, राया तत्थेव आगओ' । [ ] जो एयं पण्हं पूरएइ, तस्स राया अद्धरज्जं देइ । तओ सव्वे वि पूरिउमारद्धा, न 10 तयाणुरूवमुत्तरं जाइ । जाव विहरमाणो पत्तो नयरीए मुणी । आर[ह]ट्टिएण भणियं
'भयवं ! पण्हं पूरेसु' । तेण भणियं-'पढसु' । 'गंगाए नाविओ नंदो' त्ति, इच्चाइभणिएण पूरिया मुणिणा
"एतेसिं घायओ जो उ सो ते आरे( अज्ज, एत्थेव) समागओ'। गओ आरहट्टिओ । पडिहारेण निवेइयं राइणो । पविठ्ठो । पूरिए य पण्हाए 15 मुच्छिओ राया, समासासिओ चंदणरसाइएहिं । दिट्ठो हम्ममाणो आरहट्टिओ तेहिं
पुरिसेहिं । ते वारिऊण भणियं राइणा-'भो ! कहं तए पण्हत्थो नाओ?' तेण भणियं-'देव ! समाणत्थो(त्तो) पव्वइएण पण्हत्थं घडतेणाणीओ' । राइणा भणियं'कत्थ सो मुणी ?' तेण भणियं-'उज्जाणे चिट्ठइ' । तओ पट्टविया मंतिणो
'अभयपसाए कए आगच्छामो भे वंदणत्थं' । आगओ राया । कया धम्मकहा । जाओ 20 सावगो । कया खामणा । आलोइयनिंदियपडिक्कंतकयजहारिहपायच्छित्तो। सिद्धो मुणि त्ति । उवणओ कायव्वो ।
॥ नंदक्खाणयं समत्तं ।
तवसोसिया वि मुणिणो कोवपरा मारिऊण जंतुगणे । सावेण महानरए वच्चंती(ते) करडकुरुडु ड) व्व ॥४८॥
१. ह. क. मारिओ । २. क. आण । ३. क. ममा । ४. ह. क. सं° ।
D:\mala.pm5\2nd proof
