________________
विषण्णत्यागे क्षुल्लककथा]
[२४९ "नरयाणलसंकासं दुक्खं गेण्हंति नेहपडिबद्धा ।
गिण्हंति निरुवमसुहं विणियत्ता नेहपसाओ" ॥[ ] अन्नदियहम्मि 'न सक्कुणोमि आयवं सोलु' तओ सीसदुवारियमणुजाणइ । अन्नया ‘खंत ! न तरामि लोयं सहिउं' तओ खुरेण मुंडावेइ । 'खंत ! न संथारए निद्दाइ' त्ति तओ पणनामयसिज्जमणुजाणइ । 'खंत ! न तरामि एकासणयं काउं' 5 तओ पढमालियं देइ त्ति ।
इय जं जं चिय मग्गइ तं तं मोहेण मोहिओ देइ ।
मोहमूढाण अहवा थेवमिणं सव्वसत्ताणं ।। एवं किमिच्छिएहिं पोसेज्जमाणो संपत्तजोव्वणो भमिउमाढत्तो-'खंत ! न तरामि अविरइयाए विणा चिट्ठिउं' ति । तओ पणट्ठनेहेण 'अजोगो' त्ति काऊण 10 नीणिओ साहुमज्झाओ जणएण । विण्णाणाइविरहिओ असंपत्तमणोरहो छणे य सारभोयणगरुयधणए विसूइयाए अट्टज्झाणोवगओ मरिऊणोववण्णो महिसएसु । संपत्तजोव्वणो गहिओ भम्महेण समारोवियभरो वहिउमाढत्तो । खंतयसाहू वि तन्निव्वेएणं चिय पालिऊण निकलंकं सामण्णं जाओ वेमाणियसुरो । पउत्तावहिणा य दिट्ठो चेल्लयजीवो संपत्तमहिसपरियाओ । पुव्वसिणेहेण य काऊण पुरिसवेसं 15 गहिओ भम्महेहिंतो महिसगो सुरेण । विउव्विओ गरुयभारो । तओ तए विधेऊण पुणरुत्तं भणइ-खंत ! न सक्कुणोमि अणोवाहणो, जाव अविरइयाए विण'त्ति । पुणरुत्तं च सुणेतस्स ईहापोहमग्गणगवेसणं करितस्स जायं से जाईसरणं । सुमरिओ पुव्वभवो । तओ कया तियसेण धम्मकहा । कयभत्तपरिच्चाओ नमोक्कारपरायणो गओ देवलोए महिसओ त्ति ।
सुयदेविपसाएणं सुयाणुसारेण चेल्लयकहाणं । कहियं जो सुणइ नरो सो विरमइ पावठाणाउ ॥ त्ति ।
॥चेल्ल्यकहाणयं समत्तं ॥
20
१. ह. उं, क. 'ओ । २. ह. क. सं° ।
D:\mala.pm5\2nd proof
