________________
नित्यप्रवृत्तौ पिशाचकथा ]
[२४७ "एत्तियकालं परिरक्खिऊण मा सीलखंडणं कुणसु ।
को गोपयम्मि बुड्डइ जलहिं तरिऊण बालो वि?" ॥ वहूए भणियं-'हले ! संपयं न सक्कुणामि अणंगबाणघायं, ता किमेत्थ बहुणा? पवेसेसु किं पि' । तीए भणियं-'जइ एवं ता मा झूरसु , करेमि भे समीहियं' । तओ साहिओ एस वुत्तंतो सासूए । तीए वि भत्तुणो । तेण वि तीए सह कवडकलहं 5 काऊण भणिया वहू-'वच्छे ! न एसा तव सासू घरपालणस्स जोग्गा, ता पडिय(व)यसु सव्वं तुमं' । 'एवं'ति पडिवन्ने निरूविया सव्वेसु गेहकायव्वेसु । तओ रयणीए चरमजामे उट्ठिऊणं तंदुलाईखंडणपीसाणसोहणरंधणपरिसेव(वेस)णाईणि, अण्णाणि य अणेगाणि कायव्वाणि जहण्णमज्झिमुत्तमाणि करतीए कुसुमाभरणवत्थतंबोलविलेवणविसिट्ठाहाराहि(इ)रहियाए कमेण पत्तो रयणीए पढमजामो । भुत्तं सीयललुक्ख- 10 मणुचियभोयणं । अच्चंतखिण्णा पसुत्ता एसा । एवमणुदिणं करेंतीए पणट्ठरूवलावण्णतंबोलविलेवणवम्महाए वोलीणो कोइ कालो । 'अवसरो'त्ति काऊण भणिया दासचेडीए–'किं आणेमि पुरिसं ?' । तीए भणियं-'हले ! मुद्धिया तुमं जा पुरिसं झायसि, मज्झं पुण भोयणे वि संदेहो' । कालंतरेण य आगओ भत्तारो । कयं वद्धावणयं । तुट्ठा वहू सह गुरुयणेणं ति । एसो उवणओ-जहा तीए कायव्वासत्ताए 15 अप्पा रक्खिओ, एवं साहुणा वि किरियानाणाणुट्ठाणेणं ति ।
सुयदेविपसाएणं सुयाणुसारेण साहियं चरियं । वहुयाए निसुणंतो अप्पाणं रक्खए पुरिसो ॥
[९८. नित्यप्रवृत्तौ पिशाचकथा] दुइयं-अत्थि कंचणपुरे महेसरदत्तो वाणिओ । तेण य सविहाणो पाविओ कओ 20 वि पिसायसाहणो मंतो । कालंतरेण य सिद्धो पिसाओ । भणियं च णेण–'खणं पि नाहं अव्वावारो धरेयव्वो' । ‘एवं' ति पडिवन्ने दिन्ना वणिएण आणा-'करेसु सत्तभूमियालंकियं पासायं' । 'मणसा देवाणं कज्जसिद्धि' त्ति कओ पासाओ । पुणो वि दिण्णो आएसो-'भरेसु सुवण्णहिरण्णधणधन्नाईणं' । तम्मि निव्वत्तिए आणाविया कोसलविसयाओ करिणो, उत्तरावहाओ तुरंगमा त्ति । अवि य
25
D:\mala.pm512nd proof
