________________
10
बोधे इन्द्रनागकथा]
[२१३ "तं किं पि अणण्णसमं सोक्खं तस्सासि जिणवरे दिउ ।
जं कहिऊण न तीरइ सारिच्छं निरुवमसुहेण" ॥[ ] तेलोक्कदिवायरेण वि समाढत्ता सजलजलहराणुकारिणीए सव्वसत्तनियनियभासापरिणामपरिणामिणीए आणंदियतिलुक्काए वाणीए धम्मकहा । परूवियाणि असारसंसारनिबंधणाणि मिच्छत्ताविरइपमायकसायजोगाईणि । दावियाणि य मोक्खकारणाणि 5 य सम्मत्तनाणचरणाणि । तओ मुणियजहट्ठियसंसारासाररूवा जाया के वि मुणिणो, अवरे सावया । पूराए पढमपोरिसीए देवसहियनरिंदाइएहिं महाविच्छड्डेणं पवेसिओ पुव्वदुवारेण बली । कयं पयाहिणं विरइतं भगवओ पुरओ । तओ उट्ठिओ भगवं ति ।
"बलिपविसणम्मि काले पुव्वद्दारेण ठाइ परिकहणा । तिगुणं पुरओ पाडण तस्सद्धमवडियं देवा ॥ [ ] अद्धद्धं अहिवइणो अवसेसं होई पाययजणस्स ।
सव्वामयप्पसमणी कुप्पइ नण्णो य छम्मासे" ॥[ ] तओ दुइयपोरुसीए समाढत्ता गणहरेण कह त्ति ।
"राओवणीयसीहासणम्मि निविट्ठो य पायपीढे वा। जेट्ठो अण्णयरो वा गणहारी कहेइ विइयाए ॥[ ] संखातीते वि भवे साहइ जं वा पु(प)रो उ पुच्छेज्जा ।
न य णमणाइसेसी वियाणई एस छउमत्थो" ॥ [ ] दुइयपोरुसीए उट्ठिओ लोओ [सोउं] । गया लोगा जहागयं । मज्झण्हसमए य भिक्खट्ठा मुणिणो पविसमाणा निवारिया तित्थयरेण-'संपइमणेसणाइ वट्टइ' । पट्टविओ य वीरेण गोयमो-'भणसु इंदनागं जह-'भोऽणेगपिडिया ! एगपिंडिओ 20 दट्ठमिच्छइ' । गोयमेण भणिो चिंतिउमाढत्तो-'कहमणेगपिंडिओ ?, जो एगं पिंडं गिण्हामि, अणेगपिंडिया एते, जे अणेगपिंडेहिंतो गेण्हंति' । समुवसंतकोवेण य चिंतियमणेणं-'अव्वो ! उवसंतवेसायारा एए नण्णहा जंपंति, ता किमेयं ?' । सम्म भावितेण नायं-'नूणं होमि अणेगपिंडिओ, जो सव्वनयरे पाणाइयं करावेमि । एते पुण अकयाकारियविसुद्धाहारभोइणो, ता एए एगपिंडिया' एवं भावेंतस्स समुप्पण्णं जाईस- 25 मरणं, सुमरिओ पुव्वभवो, जाओ पत्तेयबुद्धमहरिसी अज्झयणं भासइ । इंदनागेणं अरहया वुत्तं । कालंतरेण पत्तो नेव्वाणं ।
15
D:\mala.pm5\2nd proof
